TOON EXPO անշարժ գույքի և կառուցապատման ոլորտի միջազգային խոշոր ցուցահանդեսը 2022 թվականից սկսած 4 անգամ հաջողությամբ կազմակերպվելով Երևանում և տալով սպասվածից մեծ արդյունքներ՝ այս տարի ունի մեծ նորություն։ Այն դուրս է գալիս ՀՀ սահմաններից։
2025 թվականի համար ցուցահանդեսի կազմակերպիչ Big Projects ընկերությունը պլանավորում է 3 TOON EXPO` TOON EXPO MOSCOW 2025` հունիսի 27-ից 29-ը, TOON EXPO YEREVAN 2025` սեպտեմբերի 5-ից 7-ը և TOON EXPO LOS ANGELES 2025` նոյեմբերի 21-ից 23-ը։
Նպատակը՝ հայաստանյան անշարժ գույքը ավելի հասանելի ու հասկանալի դարձնելն է առաջին հերթին սփյուռքում ապրող մեր հայրենակիցներին, այնուհետև ՀՀ սահմաններից դուրս ապրող մարդկանց։
Big Projects-ի ուսումնասիրությունները և կառուցապատողների ու անշարժ գույքի գործակալությունների տվյալները վկայում են, որ սփյուռքի մեր հայրենակիցները հետաքրքրված են անշարժ գույքի ձեռքբերմամբ ՀՀ-ում և հենց այս տարի TOON EXPO-ի աշխարհագրական սահմանների ընդլայնումն արդեն ժամանակի հրամայականն է։
Կառուցապատողներին իսկապես պետք են նոր շուկաներ այժմ։
Եվ բանկերը նույնպես սկսել են առաջարկել պրոդուկտներ՝ հենց սփյուռքում ապրող և ՀՀ-ում անշարժ գույքի ձեռբերմամբ հետաքրքրված անձնաց համար։
Մարտի 29-ին կառուցապատողներին և անշարժ գույքի ոլորտը ներկայացնող այլ կառույցների և ընկերությունների TOON EXPO 2025. Networking Day միջոցառման շրջանակում կներկայացվեն նաև առաջիկա TOON EXPO-ները՝ բոլոր մանրամասներով։
Այժմ ավելի հստակ է առաջիկայում պլանավորված TOON EXPO MOSCOW 2025-ի և TOON EXPO YEREVAN 2025-ի ձևաչափերը։
TOON EXPO MOSCOW 2025-ը պրեմիում դասի անշարժ գույքի ցուցահանդես-վաճառք է, որտեղ ներկայացված են լինելու ներդրումային գույքեր Հայաստանից, Ռուսաստանից և ամբողջ աշխարհից։
Առաջատար կառուցապատողներ, անշարժ գույքի գործակալություններ և ներդրումային ընկերություններ կներկայացնեն բացառիկ առաջարկներ՝ հատուկ պայմաններով։
Ցուցահանդեսը թիրախավորում է ՌԴ-ում ապրող հայերին, որոնք պատրաստվում են ձեռք բերել անշարժ գույք Հայաստանում և ՌԴ ում ապրող ներդրողներին՝ որոնք կարող ենք ուղղել իրենց ներդրումները ՀՀ՝ ձեռք բերելով Հայաստանում առաջարկվող ներդրումային գույքերը։
Ավելի քան 50 ընկերություն տարբեր երկրներից՝
Անշարժ գույքի գործակալություններ – լավագույն առաջարկները ոլորտի մասնագետներից,
Բանկային ոլորտ – շահավետ ներդրումային ծրագրեր և հիփոթեքային լուծումներ,
Պրեմիում անշարժ գույք – բացառիկ նախագծեր Հայաստանում, Ռուսաստանում և արտերկրում:
Ի՞նչ է սպասվում այցելուներին.
Հատուկ առաջարկներ կառուցապատողներից և գործակալություններից,
Արդյունավետ B2B հնարավորություններ – գործնական հանդիպումներ
Փակ շնորհանդեսներ և հանդիպումներ հիմնական ներդրողների հետ:
_________________
Հունիս 27, 28, 29
10:00-20:00
«Тимирязев» ցուցահանդեսային կենտրոն, Մոսկվա
Կազմակերպիչ` Big Projects
