ՀՀ-ում ԱՄՆ արտակարգ և լիազոր դեսպան Քրիստինա Քվինը «Կոկա-Կոլա Հելլենիկ Արմենիա» ընկերության այցելուների կենտրոնում է եղել։ Սա տարածաշրջանում եզակի կենտրոն է, որտեղ տարեկան ավելի քան 10000 այցելու է հյուրընկալվում ծանոթանալու Կոկա-Կոլա բրենդի պատմությանը:
Այցելուների կենտրոնը լի է ժամանակակից տեխնոլոգիաներով և նորարարական լուծումներով: Այստեղ կիրառված են մի շարք ստատիկ և ինտերակտիվ ցուցադրություններ, որոնք օգնում են այցելուներին մասնակիցը դառնալ իրենց սիրելի ըմպելիքների պատրաստման ողջ գործընթացին:
Դեսպան Քվինին ներկայացվել է նաև շշալցման հոսքագծերի աշխատանքը, արտադրանքների պատրաստման ողջ գործընթացը։ Քրիստինա Քվինը իր հերթին կոչ է արել ամերիկյան ընկերություններին գալ Հայաստան և ներդրումներ անել։
«Իհարկե, օտարերկրյա ներդրումները Հայաստանի և տարածաշրջանի համար շատ կարևոր են, քանի որ դրանք բերում են իրենց հետ նորարարական տեխնոլոգիաներ,միջազգային ստանդարտներ և զարգացնում են մարդկային կապիտալը մրցունակ դարձնելով մեր երկիրը»,-նշել է ԿԿՀԲՔԱ Հասարակական կապերի և հաղորդակցության տնօրեն Էլինա Մարգարյանը։
Ի դեպ, արդեն 27 տարի Հայաստանում գործունեություն ծավալող «Կոկա-Կոլա Հելլենիկ Արմենիա» ընկերությունը մեր երկրում միջազգային փորձ ու ստանդարտներ է ներդնում, նորարարական ծրագրեր, որոնք միտված են շրջակա միջավայրի պահպանությանը, կորպորատիվ սոցիալական պատասխանատվության նախաձեռնություններ, ինչպես նաև երիտասարդների իրազեկմանն ու կրթմանն ուղղված նախաձեռնություններ։
