ԱՄՆ ֆինանսների նախարար Ջաննեթ Ելենը հայտատարել է, որ նախարարությունը մինչև հունվարի 14-ն ընկած ժամանակահատվածում ստիպված կլինի «արտակարգ միջոցառումներ» ձեռնարկել ԱՄՆ պետական պարտքի դեֆոլտը կանխելու համար։
Թուրքիայի կենտրոնական բանկը վերջին երկու տարիների ընթացքում առաջին անգամ նվազեցրել է վերաֆինանսավորման տոկոսադրույքը 2.5 տոկոսային կետով՝ սահմանելով 47.5%:
ԱՄՆ-ում գործազրկության նպաստի առաջնային դիմումների թիվը դեկտեմբերի 21-ին ավարտվող շաբաթվա ընթացքում նվազել է 1,000-ով և կազմել 219,000՝ հասնելով վերջին ամսվա նվազագույն ցուցանիշին։
Ռուսաստանում գնաճն այս տարվա ընթացքում հասել է 9.5%-ի։ ՌԴ Կենտրոնական բանկից հայտնում են, որ տարեկան գնաճը կլինի 9.6%-9.8%-ի միջակայքում։ Տնային տնտեսությունների գնաճային սպասումները առաջիկա տարվա համար դեկտեմբերին հասել են 13.9%-ի՝ ինչը տարեսկզբից ի վեր ամենաբարձր մակարդակն է։
Wedbush ընկերության վերլուծաբանների կամխատեսմամբ Apple-ը 2025թ.-ի սկզբին կհասնի պատմական 4 տրիլիոն դոլար շուկայական արժեքին։ Ընկերության բաժնետոմսերը նոյեմբերի սկզբից աճել են 16%-ով։ Apple-ը ներկայումս ունի 3.85 տրիլիոն դոլար շուկայական արժեք՝ գերազանցելով Nvidia-ին և Microsoft-ին:
