Նախորդ տարվա հուլիսի համեմատ Հայաստանում աշխատողների թիվն աճել է 4.7%-ով, այդ են վկայում վիճակագրական կոմիտեի հրապարակած տվյալները, որոնք Ֆեյսբուքի իր էջում է տեղադրել ԱԺ տնտեսական հարցերի հանձնաժողովի նախագահի տեղակալ Բաբկեն Թունյանն ու հայտնել, որ այս տարվա հուլիսին Հայաստանում աշխատողների թիվը կազմել է 683152 մարդ, որից 202987-ը՝ պետական հատվածում, 480165-ը՝ ոչ պետական: Աշխատողների թվի աճը նախորդ տարվա համեմատ գրանցվել է բացառապես մասնավոր հատվածի հաշվին 7% աճ: Պետական հատվածի աշխատողների թիվը նվազել է 0.2%-ով: Ըստ ոլորտների՝ տոկոսային առումով ամենաբարձր աճը գրանցվել է ՏՏ ոլորտում՝ 43.8%, հետո մանրամեծածախ առեվտուրն է, կրթությունը, մշակող արդյունաբերությունը, առողջապահության եվ սոցապ սպասրկաման ոլորտները: Պետական կառավարման ոլորտում աշխատողների թիվը այս տարվա հուլիսին կազմել է 34311 մարդ, որը նախորդ տարվա հուլիսի ցուցանիշից ցածր է 4.8%-ով,- գրել է նա:
Մեկնաբանություն