Ոչ այնքան դոլորի արժեզրկումն ու դրամի արժեվորումն է գործարարների գլխին պատուհաս դարձել, որքան դրանց հետեվանքով ստեղծվող անկայությունը: Գինեգորոծության ոլորտում, օրինակ, ֆինանսական տարին նախորդ սեպտեմբերից են պլանավորել, պայմանագրեր կնքել ու լուրջ չէ գործընկերների հետ խոսել անընդհատ փոփոխվող թվերով:Ոլորտում բոլորն են կանգնել արտահանման խնդիրների առջեվ: Դեպի Ռուսաստան ուղղությունն է միայն այս պահին շահեկան վիճակում, բայց հայ գինեգործների արտադրանքի արտահանման աշխարհագրությունը մեծ է:Նախորդ տարի այս ժամանակահատվածում Վարդագույն «Ալլուրիա վայն» գինիների արտադրության համահիմնադիր Սամվել Մաչանյանի ընկերությունը բոլոր արտահանումներն ավարտել էր, այս տարի դեռ ոչ մի արտահանում չի իրականացվել: Այն դեպքում, որ արտահանման` 11 ուղղությամբ են աշխատում:Ու նույնիսկ եթե գործարարները կարողանան միջոց գտնել արտահանման համար, խնդիր է նաեվ ճանապարհածախսը. կտրուկ է թանկացել, մի քանի անգամ: Դեպի Չինաստան 2000 դոլարի հասնող ճանապարհածախսը հիմա հասնում է 10.000 դոլարի:Ոլոտում պետության աջակցության կարիքն է զգացվում: Մանթաշյանց գործարարների միությունն արդեն իսկ առաջարկներով դիմել ու հանդիպումներ է ունեցել ԿԲ-ի, ֆինանսների եվ էկոնոմիկայի նախախարությունների հետ: Այս պահին որեվէ բան չի արվել:Թե ով ու ինչպես կօգնի` պետության որոշելիքն է, ասում են գործարարները: Կարեվորը` ոլորտին դժվար պահին հենարան դառնալն է: Հատկապես միջազգային շուկայում հայկան գինու գրաված պատվավոր տեղը ուրիշը կարող է զբաղեցնել: «Գ.Ս. Վայն քոմփանի» ընկերության հիմնադիր Սուրեն Օհանջանյանը հատուկ ընդգծում է. դրանից հետո եթե ցանկություն լինի նորից սկսել գործունեությունը միջազգային հարթակում, ստիպված են լինելու սկսել ոչ թե զրոյական կետից, այլ մի քայլ ավելի հետ:
Մեկնաբանություն