Վերջին տարիներին Չինաստանի դերը Կենտրոնական Ասիայի տնտեսության մեջ կտրուկ աճել է։ Տարածաշրջանի երկրների հետ Պեկինի առևտուրը 20 տարվա ընթացքում աճել է ավելի քան 25 անգամ և 2021 թվականին կազմել է 33,7 միլիարդ դոլար, Ռուսաստանի առևտուրը տարածաշրջանի երկրների հետ կազմել է 35,8 միլիարդ դոլար,- գրում է «Կոմերսանտը»։
«Չինաստանի հետ Կենտրոնական Ասիայի երկրների ապրանքաշրջանառությունը 20 տարվա ընթացքում աճել է ավելի քան 25 անգամ (այս ընթացքում Չինաստանի արտաքին առևտուրն աճել է ինը անգամ): Անցյալ տարի Չինաստանի հետ առևտուրը կազմել է 33,7 մլրդ դոլար (ընդհանուր առևտրի 20,4%-ը), մինչդեռ Ռուսաստանի շրջանառությունն այս երկրների հետ կազմել է 35,8 մլրդ դոլար (21,6%)»,- ասվում է հոդվածում։
Ընդ որում, ոչ միայն Չինաստանը կարող է մրցակցել Ռուսաստանի հետ տարածաշրջանում։ Վերջին շրջանում մեծացել է նաև Թուրքիայի, Հնդկաստանի և Հարավային Կորեայի դերը։ Իսկ օտարերկրյա ներդրումների ծավալը տարածաշրջանում աճում է ավելի արագ տեմպերով, իսկ Ղազախստանն ամենաշատը հետաքրքրում է օտարերկրյա ընկերություններին ու ձեռնարկատերերին։
«Կենտրոնասիական տարածաշրջանում երրորդ երկրներից կուտակված մուտքային ներդրումների ծավալը գնահատվում է $211 մլրդ (ՀՆԱ-ի 61%-ը համաշխարհային միջինի 47%-ի դիմաց), ներդրումների ավելի քան 70%-ը կատարվել է Ղազախստանից (երկիրը ներգրավել է $151,9 մլրդ): »,- նշվում է հոդվածում։
Մեկնաբանություն