Վենեսուելան դադարեցրել է հում նավթի մատակարարումները Եվրոպա ՝ խնդրելով իտալական Eni-ին և իսպանական Repsol-ին վառելիք մատակարարել իրեն ՝ էներգառեսուրսի ապագա մատակարարումների դիմաց,- հայտնում է Reuters-ը։
Վենեսուելական նավթագազային PDVSA ընկերությունը «այլևս շահագրգռված չէ» մայիսին ԱՄՆ Պետդեպարտամենտի կողմից թույլատրված գործարքներով ՝ նավթը պարտքով փոխանակելու համար: Վենեսուելական նավթի մատակարարումները Իսպանիայում նավթավերամշակման գործարաններին օգնել են Եվրոպային նվազեցնել ռուսական նավթի գնումները Ուկրաինայում հատուկ գործողության մեկնարկից ի վեր:
Գործակալության աղբյուրի խոսքով ՝ PDVSA-ն ցանկանում է վերադառնալ նավթի սվոպներին, սակայն դա դեռ հնարավոր չէ։
«Նավթ պարտքի դիմաց» ձևաչափով գործարքները հետաքրքիր չեն», – Reuters-ին ասել է աղբյուրը:
Զեկույցում նշվում է, որ գործարքի վերադասավորումը կարող է օգնել PDVSA-ին վերակենդանացնել իր գործունեությունը «Օրինոկոյի գոտում» գերծանր նավթի արդյունահանման համար և բարելավել իրավիճակը Վենեսուելայում վառելիքի դեֆիցիտի հետ կապված:
Միացյալ Նահանգները Վենեսուելային թույլատրել է 2022 թվականի հուլիսին Եվրոպա նավթ մատակարարել իտալական Eni SpA-ին և իսպանական Repsol SA-ին։ Բացի այդ, Վաշինգտոնը չեղարկել է պատժամիջոցները, որոնք խոչընդոտում են ամերիկյան և եվրոպական նավթային ընկերությունների աշխատանքը Վենեսուելայում։
Ավելի վաղ գերմանական Handelsblatt թերթը գրել էր, որ Վենեսուելան 3,8 մլն բարել նավթ կմատակարարի իտալական Eni կոնցեռնին և իսպանական Repsol կոնցեռնին։
Մեկնաբանություն