Չինաստանի իշխանություններն արգելել են պետական սեփականություն հանդիսացող գազ ներկրողներին վերավաճառել հեղուկ բնական գազը (LNG) Եվրոպայի և Ասիայի գնորդներին ՝ ջեռուցման սեզոնի ընթացքում սեփական էներգետիկ անվտանգությունն ապահովելու համար,- գրում է Bloomberg-ը։Այդ ընկերություններն են PetroChina-ն, Sinopec-ը և CNOOC-ը, նրանց հանձնարարվել է խնայել վառելիքը կենցաղային օգտագործման համար, ըստ իրավիճակին ծանոթ գործակալության աղբյուրների: Միևնույն ժամանակ, ըստ նրանց, եվրոպական պահեստարանների արագ լիցքավորումը և վառելիքի առաքման բարձր արժեքը նվազեցրել են նման գործարքների գրավչությունը։
Պեկինը, ըստ երեւույթին, գնաց այդ քայլին սեփական սպառողների համար գազի փոքր դեֆիցիտի կանխատեսումների ֆոնին։ Չինաստանի նախագահ Սի Ցզինպինը հոկտեմբերի 16-ի իր ելույթում ընդգծել է էներգետիկ անվտանգության կարևորությունը ՝ կրկնելով, որ պետությունը պետք է զգույշ լինի տնտեսության կանաչ վերափոխման իրագործման հարցում ՝ ճգնաժամից խուսափելու համար։
Եվրոպայում գազի գները անկում են ապրել գրեթե 60 տոկոսով, քան օգոստոսյան ամենաբարձր ցուցանիշները, թեև դրանք մնում են համեմատաբար բարձր ՝ Ուկրաինայում Մոսկվայի ռազմական գործողությունից հետո ռուսական մատակարարումներից կախվածությունը նվազեցնելու ջանքերի ֆոնին: Հոկտեմբերի 17-ին ֆյուչերսների արժեքը հունիսի 24-ից ի վեր առաջին անգամ ընկել է հազար խորանարդ մետրի դիմաց 1400 դոլարից:
Մեկնաբանություն