Անգլիայի բանկը պահպանել է տոկոսադրույքը տարեկան 5.25% մակարդակում: Այս մասին տեղեկանում ենք կարգավորչի կայքում տեղադրված հաղորդագրության մեջ,- գրում է b24.am-ը:
«2023-ի նոյեմբերի 1-ի նիստում Անգլիայի բանկի դրամավարկային քաղաքականության կոմիտեն 6:3 քվեարկությամբ պահպանեց բանկային տոկոսադրույքը 5.25% մակարդակում: Հանձնաժողովի երեք անդամ գերադասել է բանկային տոկոսադրույքը բարձրացնել 0.25 տոկոսային կետով՝ մինչև 5.5%»,- ասված է հաղորդագրության մեջ։
Նախորդ նիստից ի վեր Միացյալ Թագավորության տնտեսական տվյալների մեջ «քիչ նորություններ» են եղել։ Միաժամանակ ՀՆԱ-ի աճը դանդաղել է, իսկ աշխատաշուկայում իրավիճակը շարունակել է վատթարանալ։
Բացի այդ, նախկինում տոկոսադրույքների բարձրացումները դեռևս լիարժեք ազդեցություն չեն ունեցել տնտեսության վրա: Բրիտանական կարգավորիչն, այդուհանդերձ, չի բացառում տոկոսադրույքի հետագա բարձրացման հնարավորությունը։
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն