Ձեր գաղտնաբառը կարող է այնքան ուժեղ չլինել, որքան կարող եք կարծել. արհեստական բանականությամբ աշխատող PassGAN մոդելը գաղտնաբառերի 51%-ը կարող է գուշակել մեկ րոպեից պակաս ժամանակում, 65%-ը՝ 60 րոպեից պակաս ժամանակում և 71%-ը՝ ընդամենը մեկ օրում։ Իսկ մեկ ամսվա ընթացքում այն կարող կոտրել գաղտնաբառերի 81%-ը,- գրում է News.am Tech-ը։
Home Security Heroes-ի իրականացրած ուսումնասիրությունը նաև ցույց է տվել, որ 4-6 նիշանոց գաղտնաբառերը գուշակելը ամենահեշտն է: Նույնիսկ եթե դրանք ոչ միայն թվեր են, այլ նաև սիմվոլներ, մեծատառ և փոքրատառ տառեր, ԱԲ-ն անմիջապես կոտրում է նման գաղտնաբառերը: ԱԲ-ից կպահանջվի ընդամենը մոտ յոթ ժամ՝ տարբեր տառեր, սիմվոլներ և թվեր պարունակող ութ նիշանոց գաղտնաբառը կոտրելու համար: Իսկ նշված բոլոր տարբերակները և ինը նիշ պարունակող գաղտնաբառն այն կկարողանա կոտրել երկու շաբաթում։
Մեկնաբանություն