Եվրահանձնաժողովը հայտարարել է, որ Եվրամիությունում գազի պակասի վտանգը կպահպանվի հաջորդ ձմռանը։ Այս մասին հաղորդվում է գերատեսչության 2023 թվականի ձմռան կանխատեսման մեջ։
Բացի այդ, Եվրահանձնաժողովը նույնպես չի բացառում գազի գնի բարձրացումը։ Սակայն գերատեսչությունում ընդգծել են, որ նման սպառնալիքն ավելի քիչ լուրջ է թվում, քան մի քանի ամիս առաջ էր։ Եվրահանձնաժողովը կարծում է, որ համաշխարհային գնաճը կարող է խթանվել արտաքին պահանջարկի շնորհիվ, որն աճում է Չինաստանի տնտեսական աճի շնորհիվ։ Գնաճի ռիսկերն էլ ավելի կմեծանան 2024 թվականին, քանի որ գների ճնշումը կարող է սպասվածից ավելի ուժեղ լինել,- ասում են վերլուծաբանները։ Զեկույցի հեղինակները կարծում են, որ իրերի այս վիճակը կապված է էներգետիկ շուկայում տիրող դինամիկայի հետ։
Եվրահանձնաժողովի վերլուծաբաններն ընդգծում են, որ բոլոր կանխատեսումներն արվել են ՝ հաշվի առնելով այն հանգամանքը, որ Ուկրաինայում հակամարտությունը չի սրվելու, բայց և չի ավարտվելու։
«2023 թվական մենք մտանք սպասվածից ավելի ուժեղ հիմքերով. ռեցեսիայի և գազի պակասի ռիսկերը վերացել են, իսկ գործազրկությունը մնում է պատմական նվազագույնի վրա: Այդուհանդերձ, եվրոպացիներին դեռ դժվար ժամանակ է սպասվում», – փաստաթղթում մեջբերում է տնտեսագիտության հանձնակատար Պաոլո Ջենտիլոնիին։
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն