2022-ի առաջին երեք ամիսներին Հայաստանում օտարերկրյա ներդրումները կրճատվել են 65 տոկոսով կամ 49,9 միլիարդ դրամով: Վիճակագրական կոմիտեի տվյալով` անցած տարվա համեմատ կտրուկ նվազել են Վերակառուցման և զարգացման Եվրոպական բանկի նեդրումները` 33,9 միլիարդ դրամով: Գերմանիայի ներդրումները կրճատվել են ավելի քան 22 միլիարդ դրամով, Նիդերլանդներինը` 16 միլիարդով, Իտալիայինը` մոտ 4 միլիարդով, Կանադայինը մոտ 3 միլիարդ դրամով: 2022 թվականի առաջին եռամսյակի ընթացքում ամենախոշոր ներդրումները իրականացվել են հանքարդյունաբերության, էներգետիկայի և օդային տրանսպորտի ոլորտներում: Մասնագետները խիստ մտահոգիչ են համարում, որ կրճատվում է ներդրումների ծավալը տնտեսության համար կարևոր ոլորտներում: Մասնավորապես` այս տարվա ընթացքում ծխախոտի ոլորտում ներդրումները նվազել են 2,48 մլրդ դրամով, հեռահաղորդակցությանը՝ 3,55 մլրդ դրամով:
Մեկնաբանություն