2024 թվականի հունվար-հունիս ամիսներին Հայաստանի վիճակագրական կոմիտեի տվյալներով բեռնափոխադրումների ընդհանուր ծավալը կազմել է 7,439.1 հազար տոննա, ինչը 2023 թվականի համադրելի ժամանակահատվածի համեմատ նվազել է 16.8%-ով։
Մասնավորապես, երկաթուղային բեռնափոխադրումների ծավալը նվազել է 57.9%-ով՝ կազմելով 576.7 հազար տոննա: Նշված ժամանակահատվածում արտահանվել է 163.6 հազար տոննա բեռ, ներկրվել՝ 302.0 հազար տոննա, իսկ ներհանրապետական բեռնափոխադրումների ծավալը կազմել է 111.1 հազար տոննա:
Ավտոմոբիլային բեռնափոխադրումները նվազել են 9.6%-ով՝ կազմելով 5,872.2 հազար տոննա: Նրանցից 426.4 հազար տոննան արտահանվել է, 1,911.9 հազար տոննան ներկրվել է, իսկ ներհանրապետական բեռնափոխադրումների ծավալը կազմել է 3,533.9 հազար տոննա:
Օդային բեռնափոխադրումների ծավալը 2023 թվականի համադրելի ցուցանիշի համեմատ աճել է 13.8%-ով և կազմել 17.3 հազար տոննա, որից 10.3 հազար տոննան արտահանվել է, իսկ 7.0 հազար տոննան՝ ներկրվել։
Խողովակաշարային բեռնափոխադրումների ծավալը 2023 թվականի նույն ժամանակահատվածի համեմատ աճել է 8.2%-ով՝ կազմելով 972.9 հազար տոննա։
JavaScript seems to be disabled in your browser. You must have JavaScript enabled in your browser to utilize the functionality of this website.
