Համաշխարհային ինդեքսներ
Ամերիկյան ինդեքսները չորեքշաբթի փակվել են խառը մակարդակներում՝ Dow Jones Industrial Average-ը նվազել է 0,09%-ով հասնելով 3871,21 կետի։ S&P 500-ն ավելացել է 1,13%-ով հասնելով 5421,03 կետի։ Հինգշաբթի S&P 500 ինդեքսի ֆյուչերսները աճում են 0,19-ով։
Ճապոնական Nikkei 225-ը նվազում է 1,06%-ով հասնելով 38766 կետի, կորեական KOSPI-ն աճում է 1,28%-ով հասնելով 2762,98 կետի, չինական Shanghai Composite-ը կրճատվում է 0,46%-ով հասնելով 3023,60 կետի։
Մակրոէկոնոմիկա
1․ ԱՄՆ-ն պատժամիջոցներ սահմանեց Մոսկովյան բորսայի, НРД-ի և НКЦ-ի նկատմամբ։ Այսօրվանից Մոսկովյան բորսան կդադարեցնի արժույթների առևտուրը՝ ԱՄՆ դոլարի, եվրոյի և Հոնգկոնգյան դոլարի հետ, միևնույն ժամանակ դոլարով և եվրոյով գործարքները կշարունակվեն արտաբորսային շուկայում։
2․ ԱՄՆ-ում գնաճը մայիսի արդյունքների համաձայն դանդաղել է․ ամսական կտրվածքով 0,0%` ակնկալվող 0,1 % Ա/Ա, տարեկան կտրվածքով կազմել է 3,3%։ Տնտեսագետները ակնկալում էին 3,4% Տ/Տ ցուցանիշ։ Հիմնական գնաճը նույնպես ակնկալվածից լավ է եղել 10 բ․կ․՝ 0,2% Ա/Ա և տարեկան կտրվածքով 3,4%:
3. FED-ը հիմնական տոկոսադրույքը պահել է տարեկան՝ 5,25-5,5%: Որպես եռամսյակային կանխատեսումների մաս, FED-ը հաստատել է 2024 թվականին ԱՄՆ ՀՆԱ-ի աճը 2,1%-ով, 2025-ին ՝ 2%-ով։ Սույն տարվա գնաճային սպասումները բարձր են՝ 2,4-ից մինչև 2,6%, 2025 թվականին՝ 2,2%-ից մինչև 2,3%:
Հանքարդյունաբերական շուկաներ
Այսօր ոսկու գինը նվազում է, մեկ ունիցայի դիմաց վաճառվելով $2313,1։ Չորեքշաբթի նավթային գնանշումները նվազում են։ Այժմ Brent ապրանքանիշի նավթի գինը մեկ բարելի դիմաց $82,3-ից բարձր է, WTI-ի գինը մեկ բարելի դիմաց մոտ $78,2։
Կորպորատիվ իրադարձություններ/ միջոցառումներ
1․ 2024 թվականի մայիսի տվյալների համաձայն Boeing ինքնաթիռների մատակարարումների ծավալը կրկնակի անգամ նվազել է՝ մինչև 24 միավորի 2023-ի 50 միավորի համեմատ։ Նշվում է, որ ընկերությունը 4` 787-10 Dreamliner ինքնաթիռի պատվեր է ստացել թայվանական Eva Air-ի համար։ Պատվերների կուտակային ծավալը այս տարի կազմել է 142 միավոր։
