Արաքս գետից ավազի արդյունահանումը կկանոնակարգվի

Արաքս գետից ավազի ապօրինի արդյունահանման դեպքերը կանխելու համար նոր մեխանիզմներ կներդրվեն: Տարածքային կառավարման և ենթակառուցվածքների նախարարությունը հանրային քննարկման է ներկայացրել ընդերքի մասին օրենսգրքի լրացումների նախագիծը, որը թույլ կտա փակել օրենքի բացերն ու լուծել ապօրինի արդյունահանման՝ տասնամյակների խնդիրը:
Գետից ավազ հանելու պատճառով արհեստականորեն փոխվել է Արաքսի հունը: Մասնագետների խոսքով` այն կարող է անդառնալի հետևանքներ ունենալ շրջակա միջավայրի համար: Ներկայացված օրենքի նախագծով պետական մարմինները հնարավորություն կունենան սխալ արդյունահանման դեպքը հայտնաբերելուց հետո տեղում կազմել արձանագրությունն ու պատասխանատվության ենթարկել: Նախկինում խախտումը հայտնաբերել են, բայց այն ապացուցելու հնարավորություն չեն ունեցել