ԱՄՆ-ում սեպտեմբերին սպառողական գների ինդեքսը (CPI) տարեկան կտրվածքով աճել է 2.4%-ով՝ գրանցելով ամենացածր ցուցանիշն 2021թ.-ից ի վեր։
ԱՄՆ-ում գործազրկության նպաստի առաջնային դիմումների թիվը հոկտեմբերի 5-ին ավարտվող շաբաթվա ընթացքում աճել է 33,000-ով և կազմել 258,000։ Դիմումների թվի աճը հիմնականում պայմանավորված է «Helene» փոթորկի հետևանքներով, ինչպես նաև Boeing ընկերությունում արդեն 4 շաբաթ շարունակվող գործադուլի արդյունքում աշխատակիցներին հարկադիր պարապուրդի ուղարկելու հանգամանքով։
Չնայած դրան` աշխատաշուկայի տվյալները սպասվածից դրական էին, որոնց հրապարակումից հետո Goldman Sachs-ը նվազեցնել է առաջիկա ամիսներին ԱՄՆ տնտեսության անկման հավանականությունը 5 տոկոսային կետով՝ հասցնելով 15%-ի։
ՌԴ արտաքին պարտքը 2006թ.-ից ի վեր առաջին անգամ նվազել է 300 միլիարդ դոլարից։ Տարեսկզբից մինչև հոկտեմբերի 1-ն ընկած ժամանակահատվածում այն նվազել է 24.5 միլիարդ դոլարով (կամ 7.7%-ով) և կազմել 293.4 միլիարդ դոլար։
Ռուսաստանում գնաճը տարեկան կտրվածքով սեպտեմբերին կազմել է 8.63%՝ նախորդ ամսվա նույն ցուցանիշի համեմատ նվազելով 0.5 տոկոսային կետով։ Իսկ ամսական կտրվածքով գրանցվել է 0.48% գնաճ։
