Կոսմետիկա արտադրող Oriflame ընկերությունը հայտնել է , որ սահմանափակում է իր գործունեությունը Ռուսաստանում։
Ավելի վաղ պարզ է դարձել, որ ընկերությունը աջակցել է Ուկրաինայում ռազմական գործողություններից տուժածներին եւ դադարեցրել է ռուսական գործարանից արտադրանքի արտահանումը։Օրիֆլեյմը կդադարեցնի ներդրումները մարքեթինգի, վերապատրաստումների և միջոցառումների կազմակերպման ոլորտներում:
Ընկերությունը ժամանակավորապես կփակի նաև առցանց գնումների հասանելիությունը չգրանցված գնորդների համար: Ընկերությունը պարզաբանում է, որ որոշումը պայմանավորված է որոշակի գործառնական և իրավաբանական բարդություններով։ Ներդրողներին ուղղված ուղերձից պարզ է դառնում, որ մարտի 7-ին ընկերությունը դադարեցրել է արտադրանքի արտահանումը Ռուսաստանից դեպի Եվրոպայում գտնվող համաշխարհային պահեստ, որը սպասարկում է նաև Ուկրաինան։ Ռուսական գործարանի տեսականուց ապրանքներ են սկսել արտադրվել այլ արտադրամասերում:
«Օրիֆլեյմում մենք խորապես մտահոգված ենք Ուկրաինայում շարունակվող պատերազմով և աջակցում ենք բոլոր նրանց, ովքեր տառապում են այս հումանիտար աղետից», – ասված է ընկերության տարածած հայտարարության մեջ։ Չնայած դրան ընկերությունը որոշել է չփակել ռուսական բիզնեսը՝ աշխատակիցներին աջակցելու նպատակով։ Միևնույն ժամանակ ընկերությունը մատնանշել է ,որ կան մատակարարման շղթայի հետ կապված խնդիրներ և առևտրային գործառնությունների խափանումներ։
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն