Dalma garden mall-ը 10 տարեկան է

Dalma garden mall-ի ռազմավարության առանցքում ապագան և զարգացումն են։ Այդ նպատակով առեւտրի կենտրոնն ընտրել է հետևյալ ուղղությունները, որտեղ շարունակաբար ուղղելվու են ջանքերն ու ռեսուրսները․
– երեխաների զարգացում,
– սահմանամերձ մարզեր,
– հայրենիքի պաշտպաններ,
– կրթություն,
– էկոլոգիա։
10-ամյակի միջոցառումների հիմնական մասը հենց այդ ծրագրերն են, որոնք մշակել են այնպիսի կարևոր կազմակերպությունների հետ, որոնց հետ նախատեսում են երկար ճանապարհ անցնել։
10-ամյակի CSR միջոցառումների շրջանակում, առեւտրի կեյտրոնը համագործակցում է «Բարի մամա» հասարակական կազմակերպության հետ՝ սկիզբ դնելով ավելի սերտ համագործակցության, որի շրջանակներում կանոնավոր կերպով աջակցելու է սահմանամերձ մարզերում բնակվող երեխաներին ու ներդրում է ունենալու նրանց զարգացման գործում: «Բարի մամայի» նպատակն է կանխարգելել երեխաներին լքելու դեպքերը, խթանել ներառական կրթության զարգացումը, ապահովել լքված երեխաների բարօրությունը։
Դալման համագործակցելու է «Զինծառայողների ապահովագրության» hիմնադրամի հետ (1000+)։ Հուշագրերի ստորագրումից հետո Դալմայի ամսական գովազդային հասույթի մի մեծ տոկոս փոխանցվելու է հիմնադրամին։
Դալման մյուս նախագիծն իրականացնելու է «Ազնավուր» հիմնադրամի և «Զինվորի տան» հետ համատեղ։ Ընտրվելու են շահառուներ, որոնց բիզնես նախագծերը ֆինանսավորվելու են։
Դալման համագործակցելու է COAF-ի (Children of Armenia Fund) հետ, որի շրջանակներում Դալման պարտավորվելու է ամեն տարի մարզից երեք երեխաների ուսման վարձը վճարել։ Ապագա ուսանողը ընտրվելու է COAF-ի կրթական ծրագրերից որևէ մեկին մասնակցելու և բարձր առաջիդությամբ ԲՈՒՀ ընդունվելու արդյունքում (մարքեթինգ, բիզնես, հաշվապահություն և իրավաբանություն ուղղություններով):
Այս տարի Դալման էկո արշավ էր նախաձեռնել՝ դառնալով էկոլոգիապես ավելի պատասխանատու ընկերություն։ Նոր նախագծի շրջանակներում Դալմայում տեղադրվելու է թափոնամաններ, որոնց միջոցով հաճախորդները կկարողանան տեսակավորել աղբը։