Հայ-ադրբեջանական սահմանին տիրող իրավիճակը շարունակում է գտնվել միջազգային հանրության ուշադրության կենտրոնում:
Հայաստաի նախաձեռնությամբ հրավիրված ՀԱՊԿ Հավաքական անվտանգության խորհուրդը երեկ պայմանավորվածություն է ձեռք բերել գլխավոր քարտուղար Զասի գլխավորությամբ կազմակերպության առաքելություն ուղարկել Հայաստան՝ իրավիճակը գնահատելու համար։ Խորհուրդը նաև համաձայնեցրել է աշխատանքային խմբի ստեղծումը՝ ՀԱՊԿ պատասխանատվության գոտում իրավիճակի մշտական մոնիթորինգի համար։
Ֆրանսիայի նախաձեռնությամբ այսօր նախատեսվում է հայ-ադրբեջանական սահմանին ստեղծված իրավիճակի առնչությամբ ՄԱԿ–ի անվտանգության խորհրդի նիստը:
Միևնույն ժամանակ ԵԱՀԿ Մինսկի խմբի համանախագահ երկրները իրավիճակի կայունացման նպատակով շարունակում են ակտիվ շփումները Հայաստանի և Ադրբեջանի հետ: Ֆրանսիայի նախագահ Մակրոնը Ալիևի հետ հեռախոսազրույցում հայտնել է ռազմական գործողությունները դադարեցնելու և հրադադարին վերադառնալու անհետաձգելիության մասին՝ մտահոգություն հայտնելով հայկական բնակավայրեի ռմբակոծության կապակցությամբ:
Մեկնաբանություն