Հարցմանը մասնակցած ամերիկացիների 71 տոկոսը կարծում է, որ երկրի տնտեսությունն անմխիթար վիճակում է: ԱՄՆ Կոնգրեսի ընտրությունից երկու ամիս առաջ ամերիկացիների ընկալումը երկրի տնտեսության վիճակի մասին որոշ չափով բարելավվել է, բայց ընդհանուր առմամբ այն մնում է բացասական: նախագահ Ջո Բայդենի տնտեսական քաղաքականությանը չի աջակցում հարցվածների 61 տոկոսը: Հարցվածների 72 տոկոսը համոզված է, որ երկիրը սխալ ուղղությամբ է շարժվում: Ըստ սոցիոլոգների` ամերիկացիների միայն 27 տոկոսն է դրական գնահատում Բայդենի վարչակազմի տնտեսական քաղաքականությունը: Ամերիկացիներին հատկապես մտահոգում են օգոստոսին գրանցված 8,3 տոկոս գնաճը, տնտեսության վիճակը, աշխատատեղերը, զենքի շրջանառության վերահսկումը, աբորտների ցուցանիշը և գազի գնի աճը:Հարցումն անցկացվել է 1054 ամերիկացիների մասնակցությամբ: Վիճակագրական սխալը կազմում է 3,9 տոկոս:
