ԱՄՆ-ի կառավարությունը բանակցություններ է վարում ՆԱՏՕ-ի դաշնակիցների հետ՝ խորհրդային արտադրության տանկերը Ուկրաինային փոխանցելու համար։ Այս մասին հայտնում է The New York Times-ը՝ վկայակոչելով ԱՄՆ իշխանությունների անանուն ներկայացուցչին։
Տանկերի տեղափոխման գործընթացը կարող է սկսվել մոտ ժամանակներս, սակայն աղբյուրը հրաժարվել է ասել, թե կոնկրետ ով է պատրաստ Ուկրաինայի հետ կիսել տեխնիկան։ Չի հաղորդվում նաեւ, թե քանի տանկի մասին կարող է խոսք լինել։ Աղբյուրի փոխանցմամբ, այս բանակցությունները նախագահ Վլադիմիր Զելենսկու կոչի արդյունքն էին, որը մարտի 24-ին ՆԱՏՕ-ին կոչ էր արել կիսել իր տանկերի 1%-ը Ուկրաինայի հետ։ «Ուկրաինան տոկոս խնդրեց, ձեր տանկերի մեկ տոկոսը, տվեք մեզ կամ վաճառեք: Բայց մենք դեռ հստակ պատասխան չենք ստացել», — այն ժամանակ ասել էր Ուկրաինայի նախագահը:
Մեկնաբանություն