Եվրոյի փոխարժեքը Մոսկվայի բորսայում առուվաճառքի բացման սկզբում ընկել է 91 ռուբլուց: Դա մի մակարդակով ցածր է, քան Ուկրաինայում հատուկ ռազմական գործողության մեկնարկից առաջ,- փոխանցում է ՏԱՍՍ-ը։
Եվրոն էժանացել է 3,59%-ով՝ հասնելով 90,73 ռուբլու, դոլարը նույնպես էժանացել է 3,17%-ով՝ հասնելով 82,54 ռուբլու։ Բացի այդ, մոսկովյան բորսայի ինդեքսը առուվաճառքի բացման ժամանակ աճել է 1,22%-ով, իսկ RTS ինդեքսը՝ 2,19%-ով։ Ռուսական ռուբլին, որն անցյալ շաբաթ սկսեց վերականգնել իր դիրքերը դոլարի և եվրոյի նկատմամբ, շարունակում է աճել։ Փորձագետների կարծիքով՝ դրան նպաստում է ռուսական գազի արտարժույթով վճարումներից հրաժարվելու որոշումը։Ավելի վաղ Ռուսական բանկը դոլարի փոխարժեքը մարտի 30-ին իջեցրել էր մինչեւ 86,28 ռուբլի։ Հիշեցնենք, որ դոլարի և եվրոյի փոխարժեքները ռուբլու նկատմամբ աճել էին Ուկրաինայում ռուսական հատուկ գործողության մեկնարկից և Ռուսաստանի Դաշնության դեմ պատժամիջոցների սահմանումից հետո։ Ֆոնդային բորսայում սակարկությունների ընթացքում ամերիկյան արժույթի արժեքը բարձրացել էր մինչև 120 ռուբլի, եվրոգոտու արժույթը՝ մինչև 127 ռուբլի։
Մեկնաբանություն