Ռուբլին և դոլարը աճել են, եվրոն և ոսկու գինը՝ նվազել. ՀՀ ԿԲ, 25/06/24
Ռուսաստանում կարգելափակվեն ԵՄ 25 երկրի լրատվամիջոցների կայքեր և այլ մեդիա ռեսուրսներ
C360՝ բանկային ընդգրկուն ծառայությունների փաթեթներ Converse Mobile-ում
Չինական տիեզերանավն առաջին անգամ հող է բերել Լուսնի հակառակ կողմից
2024թ․ մայիսին 2023թ․ մայիսի համեմատությամբ ներմուծման ծավալն աճել է 17.2%-ով
2024թ․ մայիսին 2023թ․ մայիսի համեմատությամբ արտահանման ծավալն աճել է 57.4%-ով
2024թ․ մայիսին 2023թ․ մայիսի համեմատությամբ շինարարության ծավալն աճել է 18.1%-ով
2024թ․ մայիսին 2023թ․ մայիսի համեմատությամբ առևտրի շրջանառությունն աճել է 17.6%-ով
2024թ․ մայիսին 2023թ․ մայիսի համեմատությամբ ծառայությունների ծավալն աճել է 2.8%-ով
2024թ․ մայիսին 2023թ․ մայիսի համեմատությամբ արդյունաբերության թողարկման ծավալն աճել է 6.9%-ով
2024թ․ մայիսին 2023թ․ մայիսի համեմատությամբ տնտեսական ակտիվության ցուցանիշը կազմել է 5.2%-ով
2024թ․ հունվար-մայիսը 2023թ․ հունվար-մայիսի համեմատությամբ ներմուծման ծավալն աճել է 99.6%-ով
2024թ․ հունվար-մայիսը 2023թ․ հունվար-մայիսի համեմատությամբ արտահանման ծավալն աճել է 150%-ով
2024թ․ հունվար-մայիսը 2023թ․ հունվար-մայիսի համեմատությամբ շինարարության ծավալն աճել է 14.9%-ով
2024թ․ հունվար-մայիսը 2023թ․ հունվար-մայիսի համեմատությամբ առևտրի շրջանառությունն աճել է 24.6-ով
2024թ․ հունվար-մայիսը 2023թ․ հունվար-մայիսի համեմատությամբ ծառայությունների ծավալն աճել է 3.7%-ով
2024թ․ հունվար-մայիսը 2023թ․ հունվար-մայիսի համեմատությամբ արդյունաբերության թողարկման ծավալն աճել է 22.0%-ով
Երևանում տրանսպորտի միասնական տոմսային համակարգը կներդրվի 2025թ․–ի հունվարի 1–ից
Ջուլիան Ասանժն ազատ է արձակվել բրիտանական բանտից․ The Guardian
Հունիսի 26-ին և 27-ին հանրապետության ողջ տարածքում սպասվում է անձրև և ամպրոպ

Եվրոպական ներդրումային բանկը €70 միլիոնի վարկ կտրամադրի ՀՀ կենտրոնական բանկին

Հկտ 3, 2023 14:21
137
ADS

Եվրոպական միության (ԵՄ) վարկային խումբ հանդիսացող Եվրոպական ներդրումային բանկը (ԵՆԲ) €70 միլիոնին համարժեք վարկ կտրամադրի Հայաստանի կենտրոնական բանկին (ԿԲ),- գրում է banks.am-ը:

ԿԲ-ից հայտնել են, որ վարկը տրամադրվում է Հայաստանում փոքր եւ միջին ձեռնարկությունների (ՓՄՁ) եւ միջին կապիտալիզացիայի կազմակերպությունների հասանելիությունը ֆինանսական ռեսուրսներին մեծացնելու նպատակով։

Այս նախաձեռնությունը ԵՆԲ-ի Հայաստանի տնտեսական դիմակայունության ծրագրի մի մասն է, որն աջակցություն է ստանում Կայուն զարգացման եվրոպական հիմնադրամի կողմից (EFSD+): Ծրագիրը նախատեսված է Հայաստանում բիզնեսի ֆինանսավորման հասանելիությունը հեշտացնելու համար՝ նպաստելով տնտեսական աճին եւ ճկունությանը:

Հայաստանի կենտրոնական բանկի միջոցով տրամադրվող միջոցները կուղղվեն ծրագրի պահանջները բավարարող ընկերություններին առեւտրային բանկերի եւ ունիվերսալ վարկային կազմակերպությունների միջոցով՝ ապահովելով ֆինանսավորման պարզեցված մոտեցում: Ինչպես նախորդ ծրագրերը, այս ծրագիրը եւս կիրականացվի Գերմանահայկական հիմնադրամի կողմից եւ կաջակցի մոտ 1200 ձեռնարկությունների՝ ապահովելով 1500 աշխատատեղ: Արդեն իսկ հաստատվել է ութ գործընկեր ֆինանսական կազմակերպության մասնակցությունը ծրագրին։

Հայաստանում ԵՄ պատվիրակության ղեկավար, դեսպան Վասիլիս Մարագոսը նշել է, որ վարկը վերահաստատում է ԵՄ հանձնառությունը Հայաստանի կայուն տնտեսական աճին. «Այս նախաձեռնությունը վճռականորեն նպաստում է ԵՄ Տնտեսական եւ ներդրումային պլանի նպատակին՝ մոբիլիզացնելու €500 միլիոնի չափով ներդրումներ Հայաստանի մասնավոր հատվածի համար եւ աջակցելու 30 000 ՓՄՁ-ների»:

ՀՀ փոխվարչապետ Մհեր Գրիգորյանն էլ նշել է․ «Հաշվի առնելով ընթացիկ տարածաշրջանային բարդ զարգացումները՝ այսօր հատկապես կարեւոր է անել առավելագույնը ապահովելու մասնավոր հատվածի կայուն եւ շարունակական զարգացման համար անհրաժեշտ բոլոր նախադրյալները»։

ԿԲ նախագահ Մարտին Գալստյանի խոսքով՝ նոր վարկային ծրագրի շրջանակում ՓՄՁ-ների եւ միջին կապիտալիզացիա ունեցող կազմակերպությունների կողմից կանաչ նախագծերում, կանանց ձեռներեցության խթանմանն ու ՓՄՁ-ների թվայնացմանն ուղղված նախագծերում ներդրումների ֆինանսավորման հավակնոտ թիրախներ են սահմանվել:

Մեկնաբանություն