ԱՄՆ-ում գործազրկության նպաստի առաջնային դիմումների թիվն օգոստոսի 3-ին ավարտվող շաբաթվա ընթացքում նվազել է 17,000-ով և կազմել 233,000՝ գրանցելով վերջին 11 ամիսների ամենամեծ մեկշաբաթյա անկումը։
ԱՄՆ 30 տարեկան հիփոթեքային վարկերի եկամտաբերությունը նվազել է մինչև 6.47%՝ գրանցելով 2023թ. մայիսից ի վեր ամենացածր ցուցանիշը, ինչը հետևել է զբաղվածության զեկույցի հրապարակումից հետո շուկայում առաջացած «տուրբուլենտությանը»։
Ռուսաստանից ԱՄՆ արտահանման ծավալները հունիսին հասել են վերջին 30 տարիների նվազագույն մակարդակին՝ կազմելով 186.7 միլիոն դոլար։ Նախորդ ամսվա համեմատ ցուցանիշը նվազել է 2.5 անգամ։
ԱՄՆ Դաշնային պահուստային համակարգի ներկայացուցիչները չեն համաձայնել այն կարծիքին, որ հուլիսին գործազրկության բարձր մակարդակը բերելու է տնտեսական անկման, սակայն նշել են առաջիկայում տոկոսադրույքների նվազեցման անհրաժեշտությունը նման հետևանքներից խուսափելու համար։
ՌԴ կենտրոնական բանկի ներկայացուցիչները ներկայացրել են այն փաստերը, որոնց հիման վրա հուլիսին կայացած նիստին քննարկվում էր վերաֆինանսավորման տոկոսադրույքը 16%-ից միանգամից 19-20% հասցնելու սցենարը։ Դրանք են՝ գնաճի թիրախային 4%-ից շատ բարձր մակարդակի պահպանումը և արտադրության աճի հնարավորությունների սպառումը։
Մեկնաբանություն