Կիրակի օրը սպասվում են տեղումներ, օդի ջերմաստիճանը կնվազի 3-5 աստիճանով
Թուրքիայի ձախակողմյան Vatan (Հայրենիք) կուսակցությունը հայտարարել է, որ կանգնած է «Իրանի կողքին»
Իրանը «հաջողված» է գնահատել Իսրայելի նկատմամբ անօդաչու թռչող սարքերի և հրթիռների կիրառմամբ կատարված հարձակումը
Ցանկացած երկիր, որն Իսրայելի համար իր օդային տարածքը կբացի Իրանի դեմ հարձակման համար, կստանա վճռական պատասխան. Իրանի ՊՆ
Մերձավոր արևելքի օդային տարածքը գրեթե ամբողջությամբ դատարկվել է
Բեյրութի բենզալցակայաններում հերթեր են․ զգուշանալով Իսրայելի հարվածներից՝ վառելիք են կուտակում
ԵՄ-ն դատապարտում է Իրանի հարձակումն Իսրայելի վրա
Ավելի քան 100 իրանական ԱԹՍ է ոչնչացվել ԱՄՆ-ի, Մեծ Բրիտանիայի և Իսրայելի կողմից
Իրանի տարբեր քաղաքներում անցկացվում են ցույցեր՝ ի աջակցություն Իսրայելի դեմ հարվածների
Ֆրանսիայի ռազմածովային ուժերի տեղակայում է սկսվել Իսրայելը պաշտպանելու համար
Բրիտանիան դատապարտում է Իսրայելի վրա Իրանի հարձակումը
Ֆրանսիան դատապարտում է Իրանի հարձակումն Իսրայելի վրա
ԻՐՆԱ-ն հաղորդում է, որ իրանական հրթիռները թիրախներ են խոցել Իսրայելի Նեգևի շրջանում
Իրանը Իսրայելի ուղղությամբ արձակել է ընդհանուր 150 հրթիռ, որից 70-ը առաջին արձակման, իսկ 80-ը՝ երկրորդի ժամանակ
Իսրայելական աղբյուրները հայտնում են, որ չեզոքացվել է Իրանի կողմից արձակված հրթիռների 99 %-ը
Իսրայելի վրա Իրանի հարձակումների ալիքը հինգ ժամ անց նվազել է
Ավստրալական ամենախոշոր ավիաընկերությունը՝ Qantas-ը դադարեցրել է Իրանի վրայով թիռչքները
Իսրայելը պատրաստ է Իրանի հարձակմանը. Նեթանյահու
Իրանը հայտարարել է Թեհրանի օդային տարածքը փակելու մասին
ԱՄՆ-ը կաջակցի Իսրայելին Իրանի հետ հակամարտությունում՝ Սպիտակ տուն

Վիրտուալ իրականության ակնոցներով այցելուները կտեղափոխվեն Ուրարտուի թագավորություն

Ապր 25, 2023 12:49
39
ADS

        Ճանապարհորդություն դեպի ուրարտական աշխարհ. «Էրեբունի» պատմահնագիտական արգելոց-թանգարանում վիրտուալ իրականության ակնոցով այսուհետ հնարավոր է տեղափոխվել հազարամյակներ առաջ ու մասնակցել պատմական իրադարձություններին։

       6 րոպե տևողությամբ վիրտուալ ճանապարհորդությունը 4 լեզվով է՝ հայերեն, ֆրանսերեն, անգլերեն և ռուսերեն։ Զբոսաշրջիկները և այցելուներն իրենց նախընտրելի լեզվով  կկարողանան ծանոթանալ պատմական ժառանգությանը։

      «Էրեբունի» պատմահնագիտական արգելոց-թանգարանը Ստեփան Գիշյան բարեգործական հիմնադրամի ամենամյա դրամաշնորհային ծրագրի  հաղթողներից է։

      «Ժամանակի մարտահրավերներին ընդառաջ թանգարանները մշակում են տարբեր գործառույթներ, որ ավելի գրավիչ դառնան այցելուներին։ Այս ծրագրի միջոցով կիրառելով նոր տեխնոլոգիաները, փորձ ենք արել, որ ցանկացած այցելու տեղափոխվի ուրարտական ժամանակաշրջան և ծանոթանա մեր պատմության սկզբնաղբյուրի որոշ դրվագների։ Այդ ամենը կլինի տպավորիչ և հիշարժան»,- նշել է «Ստեփան Գիշյան» բարեգործական հիմնադրամի տնօրեն Աննա Գիշյանը։

       «Շնորհիվ «Ստեփան Գիշյան» հիմնադրամի` այսօր հնարավորություն ունենք ունենալ աշխարհում ուրարտական թեմայով միակ VR ակնոցներն ու ծրագիրը։ Մենք կրկին ցույց ենք տալիս, որ ուրարտական ժառանգության տերն ենք, իսկ այդ ժառանգությանը տեր են լինում ոչ միայն խոսքով, այլ նաև գործով։ VR ակնոց կրելով՝ զբոսաշրջիկը դառնում է ուրարտական ծեսի մի մասը, հայտնվում է էրեբունու «Սուսի» տաճարի շուրջ և մասնակցում հեղման ծեսին, այնուհետև տաճարն է քո աչքի առաջ կառուցվում, դպիրները սեպագրերն են կերտում։ Այնուհետև մտնում ես տաճար և մասնակից լինում ծեսին»,- նշում է «Էրեբունի» պատմահնագիտական արգելոց-թանգարանի տնօրեն Միքայել Բադալյանը։

        «Ստեփան Գիշյան» բարեգործական հիմնադրամը ստեղծվել է Ակբա բանկի, ֆրանսիական Կրեդիտ Ագրիկոլ, Կրեդիտ Ագրիկոլ Ազգային Ֆեդերացիայի և Գիշյան ընտանիքի կողմից: Հիմնադրամի ծրագրերը ուղղված են հայ-ֆրանսիական կապերի ամրապնդմանը, Հայաստանի սոցիալ-տնտեսական, գիտակրթական, մշակութային, առողջապահական համակարգերի բարելավմանն ու կատարելագործմանը:

       Մանրամասն՝ տեսանյութում։

 

 

Մեկնաբանություն