ԱՄՆ-Բրազիլիա մաքսային հակամարտությունը կարող է թանկացնել սուրճը համաշխարհային շուկայում

Financial Times-ի տվյալներով՝ սուրճի ֆյուչերսների գները սկսել են զգալիորեն բարձրանալ այն բանից հետո, երբ ԱՄՆ նախագահ Դոնալդ Թրամփը սպառնացել է Բրազիլիայից ներմուծվող ողջ սուրճի նկատմամբ սահմանել 50 % մաքսային տուրք։

Բրազիլիան համարվում է սուրճի խոշորագույն արտահանողը աշխարհում, և նման քայլը կարող է շուկայում ստեղծել առաջարկի պակաս և առաջացնել գների աճ։

Ներդրողները շտապում են կանխավ գնել սուրճ, ակնկալելով, որ ԱՄՆ-ի մաքսային խիստ քաղաքականության հետևանքով գլոբալ մատակարարման շղթաներում հնարավոր խափանումները կհրահրեն սուրճի թանկացում։

Մասնագետների կանխատեսմամբ՝ նման զարգացումները կարող են հանգեցնել սուրճի գնի 20-30 % աճի՝ հատկապես այն երկրներում, որոնք մեծապես կախված են Բրազիլիայից ստացվող մատակարարումներից։

Աղբյուր՝ Financial Times