Համաշխարհային պարենային ճգնաժամը ձեռնտու է ԱՄՆ-ին․ տնտեսագետ

ԱՄՆ-ն շահում է Ուկրաինայում ստեղծված իրավիճակից, որի պատճառով պարենային լուրջ ճգնաժամ է հրահրվում, և շատ երկրներում սով կարող է սկսվել,- նշում է տնտեսագետ Կեյչի Կայը Shukan Gendai-ի ճապոնական հրատարակությանը տված հարցազրույցում։ «Միացյալ Նահանգների համար պարենային ապրանքների գների աճի հետ կապված իրավիճակը միայն ձեռնտու է , քանի որ նրանց համար, նավթի և արժույթի հետ մեկտեղ, դրանք դարձան հեգեմոնիայի գործիք դեռևս 1970-ականներին», – ասել է  Քայը: Նրա խոսքով, Ռուսաստանը և Ուկրաինան բարձր դիրքեր են զբաղեցնում ցորենի արտադրության ոլորտում։ Եթե ​​Ուկրաինայում իրավիճակը երկարաձգվի, ցորենի գները կարող են մի քանի անգամ թանկանալ։ Ցորենի այլընտրանքները, մասնավորապես ՝ եգիպտացորենը, նույնպես կթանկանա ՝ կապված պահանջարկի ավելացման հետ, ինչը կազդի այլ պարենային ապրանքների վրա։

Քայը հավելել է, որ զարգացած երկրներն ինչ-որ կերպ կկարողանան ապահովել իրենց պարենային պաշարները, սակայն մյուս պետությունները կարող են սովի առաջ կանգնել։ Հենց այս իրավիճակից կարող է օգտվել ԱՄՆ-ն ՝ ավելի  մեծացնելով հացահատիկի ամերիկյան կորպորացիաների ազդեցությունը, ինչի պատճառով դոլարի հեգեմոնիան կշարունակվի։

Հիշեցնենք , որ Համաշխարհային բանկը, ՄԱԿ-ի Պարենի համաշխարհային ծրագիրը և Առևտրի համաշխարհային կազմակերպությունը (ԱՀԿ) կոչ են արել հրատապ միջոցներ ձեռնարկել ՝ ուկրաինական իրադարձությունների ֆոնին աշխարհում պարենային անվտանգությունն ապահովելու համար։