«Հունգարիայի ժողովուրդը չպետք է վճարի պատերազմի համար». Սիյարտոն դեմ է նավթի և գազի դեմ պատժամիջոցներին

Հունգարիայի կառավարությունն ամեն ինչ կանի երկիր նավթի ու գազի մատակարարումը երաշխավորելու համար, ուստի չի աջակցի Ռուսաստանից էներգառեսուրսների դեմ եվրոպական պատժամիջոցներին։ Այս մասին երեքշաբթի օրը Թուրքիայում կայացած ճեպազրույցում ասել է Հունգարիայի արտաքին գործերի նախարար Պետեր Սիյարտոն։

«Հունգարիայի ժողովուրդը չպետք է վճարի այս պատերազմի համար, ուստի մենք չենք աջակցի գազի և նավթի մատակարարումների նկատմամբ պատժամիջոցների սահմանմանը», — ասել է Սիյարտոն։ Նախարարը հավելել է, որ Հունգարիան պաշտպանում է Ուկրաինայի տարածքային ամբողջականությունը, սակայն չի ցանկանում, որ իրեն ներքաշեն պատերազմի մեջ։ «Առաջին առաջնահերթությունը Հունգարիայի անվտանգության ապահովումն է»,- ասել է նա։