Իտալիայի իշխանությունները քննարկում են ռուսական գազի մատակարարման հետ կապված խնդիրների պատճառով արտակարգ դրություն մտցնելու հնարավորությունը։ Այս մասին հայտնում է ANSA գործակալությունը։
Նշվում է, որ Իտալիայի էկոլոգիական արդիականացման և փոխակերպման նախարարությունը արդեն հաջորդ շաբաթ (հունիսի 20-26) կարող է ներկայիս նախազգուշացման մակարդակը բարձրացնել էներգամատակարարման ոլորտում «վտանգի» մակարդակ:
Իտալական նախարարությունը պարզաբանել է, որ «վտանգի» մակարդակը չի ենթադրում արտաշուկայական որևէ միջոցառում և ապահովում է օպերատորների մատակարարման երաշխիքներ։
Ինչպես գրում է La Repubblica թերթը, Իտալիայի կառավարությունն արդեն աշխատում է գազի սպառումը նվազեցնելու ուղղությամբ։ Էներգառեսուրսների սակավության դեպքում սահմանափակումներ կսահմանվեն տների և հասարակական հաստատությունների ջեռուցման կամ հովացման ջերմաստիճանի և տևողության վրա ՝ նվազեցնելով քաղաքների, ինչպես նաև ճանապարհների լուսավորությունը։ Միևնույն ժամանակ Իտալիան գնումների ավելացման շուրջ բանակցություններ է վարում Ալժիրից, Լիբիայից և Ադրբեջանից մատակարարների հետ։ Իշխանությունները դիտարկում են նաև ներքին արտադրության ծավալների ավելացումը, սակայն նրանք հասկանում են, որ դրա համար կպահանջվեն մեծ ներդրումներ, ինչպես նաև հորատման կանոնների վերանայում, որը երկիրը փորձել է արգելել մի քանի տարի առաջ։ Ավելի վաղ Bloomberg-ը հայտնել էր, որ Եվրոպան սկսել է ծախսել ձմռան համար պահեստավորված գազը։
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն