Հրդեհ է բռնկվել ռուսական գազի խոշորագույն հանքավայրում ՝ Յամալ-Նենեցյան ինքնավար շրջանում ՝ Ուրենգոյսկոյեում,- հայտնում է РИА Новости-ն ՝ հղում անելով «Գազպրոմ Դոբիչա Ուրենգոյ» հասարակայնության հետ կապերի և լրատվական ծառայությանը։
Ընկերությունից հայտնել են, որ գազի կոլեկտորի երկրորդ գծի բռնկման հետ տեղի է ունեցել ճնշման իջեցում։ Միջադեպի կապակցությամբ դադարեցվել է արտադրական օբյեկտների գործունեությունը, վերաբաշխվել են գազի հոսքերը։ Հրդեհը մեկուսացվել է, այնուհետև մարվել։Ժամը 2.50-ին (Մոսկվայի ժամանակով 00.50-ին) արտադրական օբյեկտները կրկին շահագործման են հանձնվել»,- հայտնել են ընկերությունում։
Հրդեհից ոչ ոք չի տուժել, միջադեպը չի ազդել պլանավորված արտադրական նպատակների իրականացման վրա,- նշել է «Գազպրոմը»։ Միջադեպի պատճառները կսահմանի հատուկ ստեղծված հանձնաժողովը։
Ավելի վաղ Չելյաբինսկի մարզում գազատարում հրդեհ էր բռնկվել։ «Գազպրոմ»-ի տվյալներով ՝ Ուրենգոյ-Պոմարի-Ուժգորոդ մայրուղային գազատարի հատվածում հրդեհն առաջացել է խողովակի ճնշման նվազման պատճառով։
Մեկնաբանություն