Իրանն ուսումնասիրում է ԱՄՆ-ի հետ միջուկային բանակցությունները վերսկսելու հնարավորությունը

Իրանի արտգործնախարարությունը ուսումնասիրում է ԱՄՆ-ի դիմումը՝ միջուկային բանակցությունները շարունակելու վերաբերյալ։

Այդ մասին հաղորդել են  իրանյան աղբյուրները՝ հղում անելով Mehr պետական լրատվական գործակալությանը։ Հաղորդման համաձայն՝ Վաշինգտոնը միջնորդավորված ուղիներով դիմել է Թեհրանին՝ բանակցությունները վերսկսելու առաջարկով, այն բանից հետո, երբ չկարողացավ կանգնեցնել Իրանի միջուկային հնարավորությունների զարգացումը։

Ակնկալվում է, որ քննարկումներն ուղղված կլինեն միջուկային ծրագրի վերահսկմանը, հարստացված ուրանի մակարդակի ճշգրտմանը, պատժամիջոցների մեղմացմանը և, ինչպես հաղորդվում է, 12-օրյա պատերազմից վնասների փոխհատուցման մեխանիզմի ստեղծմանը։

Իրանի ԱԳՆ-ում քննարկվում են թե՛ ԱՄՆ-ի ներկայացրած պահանջների իրատեսականությունը, և թե՛ բանակցությունների ձևաչափը, եթե որոշում կայացվի վերսկսել գործընթացը։