Ռոբերտ Սապոլսկի՝ «Ամեն ինչ որոշված է. կյանք առանց ազատ կամքի»
Սապոլսկու գիրքը փիլիսոփայական և գիտական ուսումնասիրություն է այն հարցի շուրջ, թե որքան ազատ ենք մենք մեր որոշումներում։ Հեղինակը հիմնվում է տարիների հետազոտությունների վրա՝ ապացուցելու համար, որ մեր վարքագիծը մեծապես պայմանավորված է գենետիկ, բիոլոգիական և սոցիալական գործոններով։
Սա կարող է ունենալ կիրառական արժեք բիզնես աշխարհում՝ հատկապես ղեկավարների և թիմերի համար։ Օրինակ՝ եթե հասկանում ենք, որ որոշումները մեծապես պայմանավորված են արտաքին հանգամանքներով, կարող ենք մշակել կառավարման ավելի ճկուն մոտեցումներ, որոնք հաշվի կառնեն մարդու վարքի բնածին առանձնահատկությունները։
Գիրքը նաև կարևոր է առաջնորդների համար, քանի որ այն տալիս է գիտական հենք՝ ինչպես մոտենալ թիմի անդամների որոշումներին առանց նախապաշարմունքի։ Սապոլսկու մոտեցումները կարող են կիրառվել թիմային դինամիկայի բարելավման, աշխատանքի արտադրողականության բարձրացման և նույնիսկ աշխատակիցների մոտիվացիայի մեխանիզմները հասկանալու համար։
Ուոլթեր Այզեքսոն՝ «Իլոն Մասկ»
Այզեքսոնի այս գիրքը անդրադառնում է մեր ժամանակների ամենահեղինակավոր և հակասական ձեռնարկատերերից մեկի՝ Իլոն Մասկի կյանքին և գործելակերպին։ Կենսագրությունը ցույց է տալիս Մասկի առաջնորդության ոճի հիմնական բաղադրիչները՝ շեշտելով ռիսկերի հանդեպ նրա համարձակությունը, երկարաժամկետ տեսլականը և նորարարական մոտեցումները։
Հատկապես օգտակար է դիտարկել Մասկի ղեկավարության ոճը, որն ընդգծում է արդյունաբերության ապագայի նկատմամբ նորարարական մոտեցումները։ Այս գիրքը կարևոր է բոլոր նրանց համար, ովքեր ցանկանում են հասկանալ, թե ինչպես կարելի է ստեղծել նորարական բիզնես մոդելներ, ինչպես նաև կիրառել ավելի համարձակ և ռազմավարական մտածողություն։
Կենսագրությունը ներկայացնում է նաև Մասկի անձնական մարտահրավերները, որոնք կարող են ուսուցողական լինել ցանկացած առաջնորդի համար։ Այն հիշեցնում է, որ հաջողությունը հաճախ ուղեկցվում է ձախողումներով, և այդ ձախողումներից դասեր քաղելը կարևոր է առաջընթացի համար։
Ինչու՞ արժե կարդալ այս գրքերը
Երկու գիրքն էլ հիանալի ներդրում են թե՛ ձեր անձնական զարգացման, թե՛ բիզնես մտածողության հարստացման համար։ Եթե փնտրում եք գիտական հիմք ունեցող մոտեցումներ մարդկային վարքի վերաբերյալ կամ ցանկանում եք ծանոթանալ ժամանակակից առաջնորդության հզոր օրինակին, այս գրքերը ձեզ համար են։
- Սապոլսկու գիրքը կօգնի խորությամբ հասկանալ, թե ինչպես են որոշումները կայացվում և ինչու մարդիկ հաճախ գործում են այնպես, ինչպես գործում են։
- Այզեքսոնի գիրքը ձեզ կտա գործնական և ռազմավարական գաղափարներ՝ ձեր բիզնեսի նորարարական և ստեղծագործական ուղղություններով զարգացնելու համար։
Այս գրքերը հնարավորություն են տալիս թե՛ վերաիմաստավորել ձեր մոտեցումները բիզնեսում, թե՛ զարգացնել առաջնորդության հմտությունները՝ համապատասխանեցնելով դրանք ժամանակակից պահանջներին։
Աղբյուր՝ B24
