-ԱՄՆ աշխատանքի դեպարտամենտի զեկույցի համաձայն փետրվար ամսին երկրում աշխատատեղերի թիվն ավելացել է 275,000-ով (կանխատեսվում էր 200,000), իսկ գործազրկության մակարդակը 3.7%-ից բարձրացել է մինչև 3.9%՝ գրանցելով վերջին 2 տարիների ամենաբարձր ցուցանիշը։
-LSEG-ի տվյալների համաձայն՝ դեպի ԱՄՆ պարտատոմսերի ֆոնդեր միջոցների ներհոսքը հասել է 2021թ.-ի հունիսից ի վեր առավելագույն մակարդակին՝ 10.54 միլիարդ դոլար, ինչը պայմանավորված է Դաշնային պահուստային համակարգի կողմից այս տարվա ընթացքում տոկոսադրույքների կրճատման վերաբերյալ դրական սպասումներով։
-Բիթքոինի գինը հասել է ռեկորդային բարձր մակարդակի՝ 70,000 դոլարի։
-Apple-ի բաժնետոմսերի գինը կտրուկ նվազել է վերջին շաբաթվա ընթացքում (7.2%), ինչի արդյունքում ընկերության շուկայական արժեքը նվազել է ավելի քան 200 միլիարդ դոլարով։
-ԱՄՆ Դաշնային պահուստային համակարգի նախագահ Ջերոմ Փաուելն իր ելույթում անդրադարձել է գնաճի շարունակական աճին՝ միաժամանակ նշելով, որ ԴՊՀ-ն պահպանում է այս տարվա վերջում վերաֆինանսավորման տոկոսադրույքը նվազեցնելու մտադրությունը:
Մեկնաբանություն