IDBank-ը Cashless Forum Uzbekistan 2025-ում․ տեխնոլոգիաներ, որ փոխում են բանկային փորձառությունը. մանրամասները՝ ABNews.am կայքում
Իտալիայի ՀՆԱ-ն 2025-ի առաջին եռամսյակում աճել է 0.3%-ով
Հարկերից խուսափելու 3 դեպքով պետությանը պատճառվել է 179 միլիոն դրամի վնաս
Nvidia-ի եկամուտն աճել է 12%-ով
2024թ. հունվար-մարտին Հայաստանում կոնյակի արտադրությունը կրճատվել է 39.4%-ով
«Խելացի ականջակալը» փոխարինելու է սմարթֆոնին. OpenAI-ի գաղտնի զենքը. մանրամասները՝ ABNews.am կայքում
ՀՀ տնտեսական ակտիվության աճի տեմպը մնում է ցածր մակարդակում. «ԼՈՒՅՍ» հիմնադրամ. մանրամասները՝ ABNews.am կայքում
Սարդարապատի բիզնես դասերը՝ ինչպես հաղթեցինք 1918-ին և ինչ կարող ենք անել 2025-ին. մանրամասները՝ ABNews.am կայքում
Մայիսի 1-ի դրությամբ Հայաստանից հեռացել է 12,000 արցախցի
Tesla-ի վաճառքները ԵՄ-ում ապրիլին նվազել են 52.6%-ով
2025թ. հունվար-ապրիլին Հայաստանում արտահանումը նվազել է 60․4%-ով
Հայաստանի պետական պարտքը ապրիլի վերջի դրությամբ կազմում է 13.6 մլրդ դոլար
Իրանում 4.9 մագնիտուդով երկրաշարժ է տեղի ունեցել
5 միլիարդ դոլարի անկում. ինչու է Հայաստանի առևտուրը կրճատվում այս տեմպերով. մանրամասները՝ ABNews.am կայքում
Որ ոլորտներն են այսօր Հայաստանի տնտեսությունը տանում առաջ. մանրամասները՝ ABNews.am կայքում
Ֆրանսիան նախատեսում է հյուպատոսական բաժին բացել Գորիսում
ԱրարատԲանկը՝ Wonder Kid Academy-ի աստղագիտական լաբորատորիայի ստեղծման աջակից. դիտեք ABNews.am կայքում
Ucom-ի աջակցությամբ անցկացվեց միջազգային դրոնների «Mini Whoop Drone Racing 2025»  մրցարշավ. մանրամասները՝ ABNews.am կայքում
Կոնվերս Բանկը դրամային պարտատոմսեր է տեղաբաշխում. մանրամասները՝ ABNews.am կայքում
Թրամփը ԵՄ-ից ներմուծվող ապրանքների 50% մաքսատուրքերը հետաձգել է մինչև հուլիսի 9-ը

 Binance-ի գործադիր տնօրեն Ռիչարդ Թենգը մեկնաբանությունը բիթքոյնի $100,000-ին հասնելու վերաբերյալ

Դկտ 5, 2024 17:00
182

2009 թ.-ին բիթքոյնի առաջին բլոկի արդյունահանումից գրեթե 16 տարի անց դրա արժեքը հասել է $100,000-ի մեկ մետաղադրամի համար, ինչի արդյունքում այս ակտիվի ընդհանուր շուկայական կապիտալիզացիան կազմել է $2.1 տրիլիոն։

Այսպիսով, Բիթքոյնը ընդգրկվել է 7 ակտիվների կամ ընկերությունների ցուցակում, որոնց շուկայական արժեքը գերազանցում է 2 տրիլիոն դոլարը՝ ներառյալ ոսկին և տեխնոլոգիական հսկաները ինչպիսիք են՝ NVIDIA, Apple, Microsoft, Google և Amazon։ 

Այսօրվա իրադարձությունը շրջադարձային է բիթքոյնի ուղու համար, քանի որ փոքր ոլորտային ակտիվից այն վերածվում է հիմնական ֆինանսական գործիքի։ Ինստիտուցիոնալ և մանրածախ ներդրողների աճող հետաքրքրությունն ամրապնդում է կրիպտոարժույթների դիրքերը ֆինանսական լանդշաֆտում՝ նպաստելով դրանց ավելի լայն տարածմանը։

Բիթքոյնի պատմական աճը տեղի է ունենում շուկայի կառուցվածքային նշանակալի փոփոխությունների ֆոնին՝ պայմանավորված Դ.Թրամփի վարչակազմի շրջանում կարգավորումների հնարավոր փոփոխություններով, ԱՄՆ-ում բիթքոյնի ռազմավարական պահուստի ստեղծման քննարկումներով, բիթքոյն ETF-ների ինստիտուցիոնալ ընդունման և ավելի շատ ընկերությունների կողմից այն կորպորատիվ գանձարաններում ներառելու հանգամանքով: Այս ամենը վկայում է, որ կանգնած ենք բիթքոյնի համաշխարհային ընդունման շեմին։

Ի՞նչն է խթանում աճը.

1. Մակրոտնտեսական փոփոխություններ. Տնտեսական պայմանների վերջին փոփոխությունները մեծ դեր են խաղացել բիթքոյնի աճի հարցում։ ԱՄՆ Դաշնային պահուստային համակարգի կողմից երկարատև խստացման շրջանից հետո տոկոսադրույքների իջեցումը և գլոբալ լիկվիդայնության աճը հանգեցրել են կապիտալի հոսքին դեպի ակտիվներ, որոնք ինֆլյացիոն ռիսկերի հանդեպ դիտարկվում են որպես ավելի կայուն: 21 միլիոն մետաղադրամի սահմանափակ առաջարկով բիթքոյնը դարձել է արժեզրկման դեմ պաշտպանության միջոց՝ խթանելով պահանջարկը։

2. Կարգավորման նկատմամբ լավատեսություն. Դ.Թրամփի վարչակազմի օրոք կրիպտոարժույթների վարչության ստեղծման հեռանկարը լավատեսություն է ներշնչել շուկայում։ ԱՄՆ-ը գլոբալ կրիպտո-կենտրոն դարձնելու վերաբերյալ նախընտրական արշավի ընթացքում տված խոստումները, բիթքոյնի ռազմավարական պահուստի վերաբերյալ քննարկումները և հնարավոր օրենսդրական փոփոխություններն ամրապնդել են ներդրողների վստահությունը: 

3. Կորպորատիվ գանձարաններում բիթքոյնի ավելացում. MicroStrategy-ի՝ բիթքոյնի արագ ձեռքբերումները ընդգծում են թվային ակտիվների կորպորատիվ գանձարաններ ներգրավման աճող միտումը։ Ընկերությունն այժմ տիրապետում է բիթքոյնի ընդհանուր ծավալի 1.5%-ին։ Այլ ընկերություններ, ինչպես Marathon Digital-ը և հնարավոր է՝ Microsoft-ը, հետևում են այս օրինակին, ինչը վկայում է բիթքոյնը որպես ռազմավարական ակտիվ ընդունելու ավելի լայն միտման մասին։

4. Բիթքոյն ETF-ներ և տարբերակներ. Բիթքոյն ETF-ների և վերջերս բիթքոյն ETF-ների տարբերակների ի հայտ գալը ինստիտուցիոնալ ներդրողների համար հեշտացրել է եկամուտ ստանալու և ռիսկերը կառավարելու գործընթացը, ինչը զգալիորեն նպաստել է վերջին աճին։ Այս ETF-ներում միջոցների զգալի ներհոսքի շնորհիվ բիթքոյնը պատրաստ է ավելի խորը ինտեգրման հիմնական ֆինանսական շուկաներում։

Binance-ի մասին

Binance-ը կրիպտոարժույթի ենթակառուցվածքի աշխարհի առաջատար մատակարարն է՝ ֆինանսական ապրանքների փաթեթով, ներառյալ թվային ակտիվների առևտրի ամենամեծ բորսան ըստ ծավալի: Ամբողջ աշխարհում միլիոնավոր մարդկանց վստահած Binance պլատֆորմը նախագծված է օգտատերերի փողի ազատությունը բարձրացնելու համար և առաջարկում է կրիպտոարժույթի ապրանքների ու առաջարկների անզուգական պորտֆել, ներառյալ առևտուր և ֆինանսներ, կրթություն, տվյալներ և հետազոտություններ, բարեգործություն, ներդրումներ և ինկուբացիա, ապակենտրոնացում  և ավելին։ Լրացուցիչ տեղեկությունների համար այցելեք https://www.binance.com/en