ԱՄՆ ՀՆԱ-ն այս տարվա առաջին եռամսյակում տարեկան կտրվածքով նվազել է 0.3%-ով՝ պայմանավորված ներմուծման գների աճով։ Նախորդ եռամսյակում տնտեսական աճը կազմել էր 2.4%:
Ուորեն Բաֆետը Berkshire Hathaway-ի տարեկան ժողովի ժամանակ հայտարարել է, որ 2025թ.-ի տարեվերջին, 60 տարի ղեկավարելուց հետո, կդադարեցնի իր գործունեությունը որպես ընկերության գործադիր տնօրեն և ղեկավարումը կհանձնի փոխնախագահ Գրեգ Աբելին։
ԱՄՆ-ում տնտեսական անորոշության ֆոնին աշխատատեղերի աճը դանդաղել է՝ նախորդ ամսվա համեմատ աճելով 130,000-ով, իսկ գործազրկության մակարդակը մնացել է 4.2% մակարդակի վրա։
Եվրագոտու տնտեսությունը տարվա առաջին եռամսյակում սպասվածից ավել է աճել՝ 0.4%, մինչդեռ գնաճը նվազել է, ինչը վկայում է, որ տարածաշրջանը տարին սկսել է լավատեսական նոտայով՝ նախքան ԱՄՆ առևտրային պատերազմից, եվրոյի արժևորումից և վատթարացող տրամադրություններից հետագա հարվածների ստացումը։
Դոնալդ Թրամփի վարչակազմն առաջարկել է դաշնային բյուջեի կրճատում 163 միլիարդ դոլարով՝ նվազեցնելով կրթության, բնակարանային ապահովման և բժշկական հետազոտությունների ծախսերը և ավելացնելով պաշտպանական և սահմանի անվտանգության հատկացումները։
