Siemens-ը հայտարարել է ռուսական շուկայից հեռանալու մասին։ Ընկերությունն արդեն սկսել է «արտադրական և բիզնես գործունեությունը դադարեցնելու ընթացակարգերը»:
«Siemens-ը կլքի ռուսական շուկան ուկրաինական պատերազմի պատճառով»,- ասվում է հաղորդագրության մեջ։
Մարտի սկզբին ընկերությունը հայտարարել էր Ռուսաստան մատակարարումների դադարեցման և բոլոր նոր բիզնես նախագծերի դադարեցման մասին ՝ կապված Ուկրաինայի շուրջ ստեղծված իրավիճակի և պատժամիջոցների հետ։ Siemens-ը դադարեցրել է ապրանքների առաքումը նաև դեպի Բելառուս։ Financial Times-ը, հղում անելով իր աղբյուրին, գրել է, որ ընկերությունը կշարունակի միայն «մի փոքր ծառայողական աշխատանք» կատարել Ռուսաստանում, և որ Siemens-ը գնահատում է Ռուսաստանի դեմ կիրառված պատժամիջոցների հետևանքները Ուկրաինայում ռազմական գործողությունների սկսվելուց հետո։
Մարտի 22-ին «Ռուսական երկաթուղիներ»-ը հայտնել էր, որ Siemens-ը իրենց տեղեկացրել է Sapsan-ի գնման պայմանագրի կասեցման մասին։ Դաշնային խորհրդի նախագահ Վալենտինա Մատվիենկոն այնուհետև ասել էր, որ ընկերությունը կարող է փոխարինվել այլ կազմակերպություններով։ Նա ենթադրել է, որ գերմանական ընկերությունը որոշումը կայացրել է դրսի ճնշման ներքո։
Siemens-ը Ռուսաստանում գործում է 1852 թվականից, երբ ընկերությունը զբաղվում էր հեռագրական գծերի անցկացմամբ։ Ռուսաստանին բաժին է ընկնում ամբողջ վաճառքի մոտ 1%-ը:
Հիշեցնենք,որ Ուկրաինայում ռազմական գործողության մեկնարկից հետո բազմաթիվ ընկերություններ հայտարարեցին Ռուսաստանում աշխատանքը դադարեցնելու մասին։ Դրանց թվում են Nokia, Ericsson, General Electric եւ այլն։
