ՌԴ ԿԲ-ն հայտնել է՝ ինչպես Հայաստանում կարելի է գումար կանխիկացնել «Միր» քարտով

Ռուսաստանի Կենտրոնական բանկն այսօր տեղեկացրել է, որ «Միր» քարտերի միջոցով հնարավոր է վճարել գնումների դիմաց եւ գումար կանխիկացնել արտասահմանյան մի շարք վարկային կազմակերպությունների բանկոմատներում:

Մասնավորապես, ինչպես նշվում է հաղորդագրության մեջ, Հայաստանում «Միր» քարտերի միջոցով կարելի է վճարել գնումների դիմաց եւ գումար կանխիկացնել ArCa վճարային համակարգի մասնակից բանկերի բանկոմատներում:

Հիշեցնենք, որ Ուկրաինայի Ազգային բանկն այսօր դիմել է միջազգային գործընկերներին՝ ռուսաստանյան «Միր» վճարային համակարգի քարտերի սպասարկումից հրաժարվելու խնդրանքով։

«Ազգային բանկը դիմել է Հայաստանի, Ղազախստանի, Տաջիկստանի, Վիետնամի, Թուրքիայի և Ղրղզստանի կենտրոնական բանկերի ղեկավարությանը՝ խնդրելով դադարեցնել «Միր» վճարային համակարգի քարտերով այս երկրների տարածքում բոլոր գործառնություննները»,- ասված է Ուկրաինայի Ազգային բանկի հաղորդագրությունում։