![ADS](https://abnews.am/wp-content/uploads/2022/04/abnews-ads.png)
![](https://abnews.am/wp-content/uploads/2022/04/E159CCCA-2FCC-4DF7-9A63-B26F46D81326.jpeg)
Թուրքիան բանակցություններ է վարում Ուկրաինայում հակամարտության կողմերի հետ եւ ջանքեր է գործադրում Ռուսաստանի եւ Ուկրաինայի նախագահներ Վլադիմիր Պուտինի եւ Վլադիմիր Զելենսկու հանդիպումը կազմակերպելու համար, հինգշաբթի տեղեկացրել է Թուրքիայի արտգործնախարար Մեւլութ Չավուշօղլուն։
«Մենք բանակցություններ ենք վարում կողմերի հետ եւ ջանքեր գործադրում հանդիպման կազմակերպման համար»,- ասել է նա NTV հեռուստաալիքի հարցազրույցում։ Նրա խոսքով՝ նման հանդիպման անցկացումը կախված է Ռուսաստանի նախագահի համաձայնությունից։
Նրա խոսքով՝ Թուրքիան առանց որոշակի լավատեսության կամ հոռետեսության է գնահատում ՌԴ-ի եւ Ուկրաինայի բանակցությունները։ «Վերջին ժամանակներս, Բուչայի իրադարձություններից հետո, կողմերը միմյանց դատապարտող շատ հայտարարություններ են արել։ Դա ազդել է բանակցային գործընթացի վրա։ Իսկ մենք առաջարկում ենք խոսել կողմերի հետ։ Մենք բանակցությունների ներկա ընթացքին մոտենում ենք ոչ լավատեսությամբ, ոչ հոռետեսությամբ։ Մենք սույն պարագայում կողմնակից ենք իրատեսական դիրքորոշմանը»,- ասել է նա։
Չավուշօղլուն ասել է, որ Թուրքիայի կարծիքով՝ իրավիճակն Ուկրաինայում մատնանշում է աշխարհում նոր սառը պատերազմի մասին։
Մեկնաբանություն