Հոկտեմբերի 31-ի բիզնես լուրերը

Տեղական

Հայաստանն արդեն 1 մլրդ դրամ է հատկացրել COP-17-ի անցկացման նպատակով
Ֆինանսների նախարար Վահե Հովհաննիսյանի խոսքով՝ միջոցառման համար ընդհանուր կպահանջվեն զգալիորեն ավելի մեծ ծախսեր, որոնք կկատարվեն մեկ տարվա ընթացքում։ Կենսաբանական բազմազանության կոնվենցիայի կողմերի 17-րդ համաժողովը կանցկացվի Հայաստանում 2026թ. հոկտեմբերի 18-30-ը։

Շրջակա միջավայրի նախարարության ծախսերը 2026-ին կավելանան 812 մլն դրամով
Նախարարությանը կհատկացվի 15.36 մլրդ դրամ՝ 2025-ի համեմատ 812 մլն դրամով ավելի։ Բյուջեն կուղղվի բնապահպանական ծրագրերի և ջրային ռեսուրսների կառավարման բարելավմանը։

Տարածքային կառավարման և տեղական ինքնակառավարման ծրագրերի բյուջեն կավելանա 10.7 մլրդ դրամով
2026-ին այս ուղղությամբ կհատկացվի 142.8 մլրդ դրամ։ Ամենախոշոր բաղադրիչը տարածքային զարգացման ծրագիրն է՝ 131.5 մլրդ դրամ բյուջեով։ Մարզերին տրամադրվող սուբվենցիաների համար նախատեսվել է 17.7 մլրդ դրամ։

2026-ի բյուջեից 2 մլրդ դրամ կհատկացվի Երևանի մետրոյի նոր կայարանի կառուցման համար
Բացի այդ, 2.5 մլրդ դրամ կուղղվի մետրոյի ենթակառուցվածքների նորոգման, իսկ 1 մլրդ դրամ՝ ուղևորափոխադրման ծառայությունների իրականացման համար։ Ընդհանուր ծախսը՝ 5.5 մլրդ դրամ։

2025-ի հունվար–սեպտեմբերին վարելու ընթացքում հեռախոսակապից օգտվելու համար տուգանվել է ավելի քան 20 հազար վարորդ
Նույն ժամանակահատվածում պետական բյուջե է մուտքագրվել մոտ 200 մլն դրամ՝ այս խախտումների դիմաց։ 2024-ին այդ ցուցանիշը կազմել էր 127 մլն դրամ։

Միջազգային

ԱՄՆ-ն և Չինաստանը դադարեցնում են միմյանց նավերի նկատմամբ կիրառվող փոխադարձ տուրքերը
12 ամսով ուժի մեջ եղած որոշումը կազատի մոտ 3.2 մլրդ դոլարի տարեկան վճարներից։ Այն ձեռք է բերվել Հարավային Կորեայում՝ Թրամփի և Սի Ծինփինի հանդիպման ընթացքում։

Google-ի մայր ընկերությունը՝ Alphabet-ը, շահույթի նոր պատմական ռեկորդ է գրանցել
Երրորդ եռամսյակում ընկերության մաքուր շահույթը աճել է 33%-ով՝ հասնելով 34.98 մլրդ դոլարի։ Եկամուտը՝ 16% աճով։ Մեկ բաժնետոմսի շահույթը կազմել է 2.87 դոլար՝ նախորդ տարվա 2.12-ի փոխարեն։

Օտարերկրյա զբոսաշրջիկները Վրաստանում ծախսել են ավելի քան 6 մլրդ լարի
2025-ի երրորդ եռամսյակում Վրաստան է այցելել շուրջ 3 մլն զբոսաշրջիկ։ Ամենաշատ այցելությունները գրանցվել են Թբիլիսիում և Աջարիայում։

Ֆրանսիայի ՀՆԱ-ն երրորդ եռամսյակում աճել է 0.5%-ով
Տարեկան կտրվածքով աճը կազմել է 0.9%։ Արտահանման ծավալը մեծացել է 2.2%-ով, մինչդեռ ներմուծումը նվազել է 0.4%-ով։