Հայաստանում գործում է ավելի քան 65 հազար կազմակերպություն․ միջին աշխատավարձը՝ 304 հազար դրամ Է

Հայաստանում գործող պետական կազմակերպությունների թիվը 3,585 է, իսկ դրանցում գրանցված աշխատողների թիվը՝ 217,010։

Հայաստանում 2025 թվականի հուլիսի դրությամբ գործել է 65,721 կազմակերպություն, որոնցում աշխատել է 795,779 մարդ։ Այս մասին տեղեկացնում է Հայաստանի վիճակագրական կոմիտեն։
Գրանցված աշխատողների միջին ամսական աշխատավարձը կազմել է 304,629 դրամ։

Ըստ տվյալների՝

• 1-9 աշխատող ունեցող կազմակերպությունները կազմում են ընդհանուրի 82%-ը կամ 53,892 կազմակերպություն։
  Դրանցում աշխատում է 145,842 մարդ, ինչը կազմում է աշխատողների 18%-ը։
  Այս խմբում աշխատողների միջին թիվը 3 է, իսկ միջին աշխատավարձը՝ 141,533 դրամ։

• 10-49 աշխատող ունեցող կազմակերպությունները՝ 9,382 միավոր կամ 14%, ապահովում են 196,391 աշխատատեղ՝ միջինում 21 աշխատողով։
  Նրանց միջին աշխատավարձը՝ 242,178 դրամ։

• 50-249 աշխատող ունեցող կազմակերպությունները՝ 2,111 միավոր կամ 3%, ունեն 196,906 աշխատող՝ միջինում 93 աշխատող և 324,939 դրամ միջին աշխատավարձ։

• Իսկ 250 և ավելի աշխատող ունեցող կազմակերպությունները՝ ընդամենը 336 կամ 1%, ապահովում են աշխատողների 32%-ը՝ 256,640 մարդ։
  Այս խոշոր ընկերություններում միջին աշխատավարձը 429,518 դրամ է։

Հայաստանում գործող պետական կազմակերպությունների թիվը 3,585 է, իսկ դրանցում գրանցված աշխատողների թիվը՝ 217,010։
Միջին ամսական աշխատավարձը կազմում է 263,530 դրամ։

• Փոքր՝ 1-9 աշխատող ունեցող պետական կազմակերպությունները՝ 351 միավոր, ապահովում են ընդամենը 2,136 աշխատատեղ, միջին 163,530 դրամ աշխատավարձով։

• 10-49 աշխատող ունեցողները՝ 2,242 միավոր կամ 62%, ունեն 61,431 աշխատող՝ 168,076 դրամ միջին աշխատավարձով։

• 50-249 աշխատող ունեցողները՝ 888 միավոր կամ 25%, զբաղեցնում են 76,264 աշխատող, միջին 230,340 դրամ աշխատավարձով։

• 250 և ավելի աշխատող ունեցող պետական կազմակերպությունները՝ 104 միավոր, ունեն 77,179 աշխատող, և միջին աշխատավարձը կազմում է 375,072 դրամ։

Հայաստանում գործող ոչ պետական կազմակերպությունների թիվը 62,136 է, որոնցում աշխատում է 578,769 մարդ։
Նրանց միջին ամսական աշխատավարձը՝ 320,038 դրամ։

• 1-9 աշխատող ունեցող ոչ պետական կազմակերպությունները կազմում են 86%՝ 53,541 միավոր։
  Դրանցում աշխատում է 143,706 մարդ, միջին աշխատավարձը՝ 141,206 դրամ։

• 10-49 աշխատող ունեցողները՝ 7,140 միավոր կամ 12%, ունեն 134,960 աշխատող, միջին աշխատավարձը՝ 275,907 դրամ։

• 50-249 աշխատող ունեցողները՝ 1,223 միավոր, ապահովում են 120,642 աշխատատեղ, միջին աշխատավարձը՝ 384,741 դրամ։

• 250 և ավելի աշխատող ունեցողները՝ 232 միավոր, ունեն 179,461 աշխատող և 452,933 դրամ միջին աշխատավարձ։

Հայաստանի տնտեսության կառուցվածքը շարունակում է ձևավորվել փոքր բիզնեսների գերակշռությամբ․

թվով շատ են փոքր կազմակերպությունները, սակայն աշխատավարձերի և զբաղվածության առումով առավել մեծ դեր են ունենում միջին և խոշոր ընկերությունները։
Պետական հատվածում աշխատավարձերը համեմատաբար ցածր են, մինչդեռ ոչ պետական սեկտորում՝ զգալիորեն բարձր։