Դալան Տեխնոպարկի շինարարությունը հասել է կարևոր հանգրվանի

Դալան Տեխնոպարկի շինարարական հրապարակը տոնական էր։

Այստեղ էին Հայաստանի էկոնոմիկայի նախարար Գևորգ Պապոյանը, Քաղաքաշինության կոմիտեի նախագահ Եղիազար Վարդանյանը, ոլորտի մասնագետներ, գործընկերներ ու ներդրողներ, իսկ նպատակը մեկն էր՝ ծանոթանալ Հայաստանի առաջին տեխնոլոգիական և բիզնես կենտրոնի՝ Դալան Տեխնոպարկի շինարարության ընթացքին։

Նախագծի հիմնակմախքի շուրջ 80 տոկոսն արդեն պատրաստ է, իսկ երկու բարձրահարկ մասնաշենքերը միացվել են 15-րդ հարկում։ Դա ոչ միայն ինժեներական բարդ լուծում է, այլև կարևոր քայլ՝ միասնական հարկերի կառուցման մեկնարկի համար։

Այս փուլը, ինչպես նշում է Դալան Տեխնոպարկի տնօրեն Արմեն Տեր-Տաճատյանը, կարելի է համեմատել կամրջաշինության ամենապատասխանատու պահի հետ։

*գովազդ