Մի շարք հանգամանքներով պայմանավորված նավթի համաշխարհային գները նվազել են․ РИА Новости Նավթի համաշխարհային գները երկուշաբթի օրը նվազում են ավելի քան 1%-ով, ներդրողները գնահատում են մի շարք գործոններ ՝ ինչպես պահանջարկի, այնպես էլ առաջարկի: Փետրվարի 9-ի դրությամբ Brent տեսակի նավթի հոկտեմբերյան ֆյուչերսների գինը նվազել է 1,12%-ով ՝ հասնելով 97,05 դոլարի ՝ մեկ բարելի դիմաց, WTI-ի սեպտեմբերյան ֆյուչերսների ՝ 1,13%-ով ՝ հասնելով 91,05 դոլարի,- փոխանցում է РИА Новости-ն։ Երկուշաբթի առավոտյան նավթի գները նվազում են, ինչին նպաստում են մի շարք գործոններ։ Այսպիսով, Չինաստանի վիճակագրությունը բացասաբար է ազդում նավթի գնանշումների վրա. խոշոր արդյունաբերական ձեռնարկությունների արտադրության ծավալը հուլիսին տարեկան կտրվածքով աճել է 3,8%-ով, թեև վերլուծաբանները կանխատեսում էին 4,6% աճ: Նման վիճակագրությանը նպաստում են հերթական անգամ վերսկսված կորոնավիրուսային սահմանափակումները ՝ կապված «զրոյական դեպքերի» քաղաքականության հետ։Շուկաները նույնպես շարունակում են գնահատել այն գործոնները, որոնք վկայում են սև ոսկու առաջարկի աճի մասին: Ներդրողները հետևում են ԱՄՆ-ի և Իրանի միջև Իրանից նավթի մատակարարումների հնարավոր վերականգնման շուրջ բանակցություններին: «Չինաստանում կրկին սկսված կորոնավիրուսային արգելափակումները ճնշում են պահանջարկի վրա ռեցեսիայի մտավախությունների պայմաններում, մինչդեռ մատակարարման մտահոգությունները թուլացել են», - ասում է Սինգապուրում գտնվող Vanda Insights խորհրդատվական ընկերության հիմնադիր Վանդանա Հարին,- մեջբերում է Bloomberg-ը: