Գերմանիան պատրաստ է տեղափոխել Nord Stream-ի համար անհրաժեշտ տուրբինը․ Շոլց «Սիմենս Էներջի» տուրբինը պատրաստ է փոխադրման և շահագործման ՝ «Հյուսիսային հոսք» գազատարի շահագործումն ապահովելու համար, սակայն Ռուսաստանից որևէ հարցում դեռ չի եղել։ Այս մասին հայտարարել է Գերմանիայի կանցլեր Օլաֆ Շոլցը,- փոխանցում է ՏԱՍՍ-ը։ Կանցլերը հայտարարել է տուրբինի սարքին մասին և նշել, որ «այն հիանալի պատրաստված է, և այս պահին այն միացնելու համար որևէ խոչընդոտ չկա»։ Ավելի վաղ Siemens Energy-ը հաստատել էր, որ կանցլեր Շոլցը մտադիր է այցելել իրենց արտադրամաս և ստուգել Nord Stream տուրբինը, որը վերանորոգվել է Կանադայում։ Հուլիսի 27-ից «Հյուսիսային հոսքը», որը ռուսական գազ է մատակարարում Գերմանիային, երկու տուրբինների անջատման պատճառով օգտագործվել է իր առավելագույն հզորության միայն 20 տոկոսով։ Օգոստոսի 1-ին «Գազպրոմ»-ի վարչության փոխնախագահ Վիտալի Մարկելովը հայտարարեց, որ ընկերությունը կհամաձայնի ընդունել Կանադայում վերանորոգված տուրբին, եթե ռուսական գազային կոնցեռնը հանվի Կանադայի, Մեծ Բրիտանիայի և ԵՄ երկրների պատժամիջոցներից։