Միջազգային համաժողովը կկայանա նոյեմբերին՝ Երևանում Երևանում նոյեմբերի 2-5-ը կանցկացվի FINTECH 360 միջազգային համաժողովը: Միջոցառումը մեկ հարթակում կմիավորի առաջատար բանկերի և ֆինանսական հաստատությունների, վճարային համակարգերի, հեռահաղորդակցության և ՏՏ ընկերությունների, մասնագիտացված ասոցիացիաների, ստարտափների և վերահսկող կազմակերպությունների ղեկավարներին: FINTECH360-ում կքննարկվեն մոբայլ ծառայությունների և անհպում վճարումների, մարկետփլեյսների և բանկային էկոհամակարգերի, թվային արժույթների, միջբանկային վճարումների, կրիպտոարժույթների հաշվարկների, նեոբանկերի, Open Banking-ի և կանաչ ֆինտեխի զարգացման հետ կապված հարցեր: Փորձագետները կներկայացնեն համապատասխանության ռիսկերի կառավարման, անձնական տվյալների պաշտպանության և տեղեկատվական անվտանգության բարձրացման, արհեստական բանականության և Big Data-ի ներդրման ոլորտում իրենց փորձը: