Խիստ վերահսկողություն. Խստացված վերահսկողություն սիգի ձվադրման ժամանակահատվածում՝ դեկտեմբերի 1-ից հունվարի 20-ը Այս տարվա համար սիգի արդյունագործական որսի ընդհանուր քանակ էր սահմանվել 600 տոննա, որից որսացել են 554.86 տոննա սիգ: Շրջակա միջավայրի նախարարությունը տեղեկացնում է, որ Սևանա լճում սիգի ձվադրման ժամանակահատվածում իրականացվող համատեղ միջոցառումները նախատեսվում է իրականացնել 2022 թվականի դեկտեմբերի 1-ից մինչև 2023 թվականի հունվարի 20-ը ներառյալ: Խիստ արգելք կկիրառվի դեկտեմբերի 15-ից հունվարի 20-ը: Սիգի ձվադրման ժամանակահատվածում որսն արգելվելու է: Արգելվելու է բոլոր տեսակի որսագործիքների և լողամիջոցների մուտքը Սևանա լիճ: լիճը գոտևորող բոլոր անտառային ճանապարհների վրա սահմանվելու է խիստ վերահսկողություն, մարզից դուրս եկող հիմնական ճանապարհների ելքերի մոտ տեղակայվելու են հսկիչ կետեր: Սևան ազգային պարկի տարածքում սահմանվելու է շուրջօրյա հերթապահություն։ Ու նաև Հայաստանի պարենային անվտանգության, Սևանա լճում կենսապաշարի կայուն օգտագործման և կենսաբազմազանության պահպանության պահանջից ելնելով, Շրջակա միջավայրի նախարարությունն առաջարկում է վեց ամիս ժամկետով սիգի ձկնկիթի արտահանման արգելք սահմանել Հայաստանի տարածքից։