Չինաստանը շահագործման է հանձնել աշխարհում առաջին անօդաչու հետազոտական նավը ՝ Zhuhaiyun-ը: Այս մասին հայտնում է Չինաստանի կենտրոնական հեռուստատեսությունը։ Հեռուստաալիքի տվյալներով ՝ նավն ունի ինքնավար նավիգացիոն համակարգ և հեռակառավարման տեխնոլոգիա։ Բոլոր հիմնական համակարգերը, ներառյալ ուժային և շարժիչ համակարգերը, մշակվել են Չինաստանում: Նավի երկարությունը 88,5 մետր է, լայնությունը ՝ 14 մետր, իսկ խորությունը ՝ 6,1 մետր: Այն ունակ է 18 հանգույց արագության, էկոնոմ ռեժիմում ՝ 13 հանգույց։ Հաղորդվում է, որ նավը կարող է օգտագործվել օվկիանոսի հետախուզական տարբեր խնդիրների համար, այդ թվում ՝ օվկիանոսագիտական հետազոտություններ, քարտեզագրություն, նմուշառում և պարեկություն:
Ավելի վաղ չինական BYD ավտոարտադրողն արտոնագրել էր ալկոտալիզատորով ժամացույց։ Ժամացույցն ունակ է որոշել մարդու օրգանիզմում ալկոհոլի մակարդակը, ինչպես նաև չափել զարկերակը, մարմնի ջերմաստիճանը և արյան մեջ թթվածնի մակարդակը։
