35 հազար դոլարով վաճառվել է կնքված տուփով առաջին iPhone-ը
RR Auction առցանց աճուրդում առաջին սերնդի iPhone-ը փակ տուփով վաճառվել է 35000 դոլարով: Խոսքը 8 ԳԲ ներքին հիշողությամբ A1203 մոդելի մասին է: 8 ԳԲ-ով առաջին սերնդի iPhone-ը սկզբում վաճառվում էր 599 դոլարով:
Սարքը վաճառվել է Apple, Jobs and Computer Hardware աճուրդի ընթացքում, որի ժամանակ վաճառվել է նաեւ մոտ 70 տարբեր այլ լոտ ՝ դրանց թվում են, օրինակ, Apple-1 տպագրական պլատան, որը ձեռքով պատրաստել էր Apple-ի համահիմնադիր Սթիվ Վոզնյակը, նաե առաջին սերնդի iPod նվագարկիչը փակ տուփով, որը վաճառվել է 25000 դոլարով:
Նոր գովազդում Samsung-ը ծաղրել է Apple-ին
Samsung ընկերությունն իր YouTube-ալիքում հրապարակել է գովազդային նոր հոլովակ, որում ծաղրել է Apple-ին: Հարավկորեական ընկերությունն ապագա iPhone 14-ը համեմատել է իր ծալովի էկրանով ֆլագմանների հետ: Պատրաստվեք Apple-ի վերջին անոնսներին, որից հետո կհայտնվեք մի աշխարհում, որտեղ ամեն բան կշրջվի, սակայն ոչ դեպի ձեր կողմ,-ասվում է հոլովակում: Samsung-ի ֆլագմանների մյուս առավելությունը Galaxy S22-ում 108 մպ տեսախցիկն է: Նոր iPhone-ը, համեմատության համար, կունենա առավելագույնը 20 անգամ մեծացնելու հնարավորություն:
Samsung-ը նախատեսում է իր կրիպտոարժույթի բորսան գործարկել 2023 թվականին
Samsung ընկերությունների հարավկորեական խումբը նախատեսում է բացել կրիպտոարժույթի սեփական բորսան հաջորդ տարի: Լրատվամիջոցները նշում են, որ Samsung-ը երկրի մի քանի ընկերություններից մեկն է, որը վերջերս փորձել է ֆինանսական մարմիններից ստանալ կրիպտոարժույթի բորսա ստեղծելու լիցենզիա: Սա Samsung-ի առաջին քայլը չէ թվային արժույթի շուկա հիմնելու ուղղությամբ: Այս տարի ընկերությունն արդեն իր Galaxy շարքի սմարթֆոններին ավելացրել է կրիպտոարժույթի
դրամապանակի գործառույթը:
TikTok-ի Android տարբերակում հայտնաբերվել է վտանգավոր խոցելիություն
Microsoft-ի տեղեկատվական անվտանգության մասնագետները TikTok-ի Android տարբերակում հայտնաբերել են կրիտիկական խոցելիություն , որը հարձակվողներին թույլ է տալիս գողանալ չինական սոցցանցի օգտատերերի էջերը: Խոցելիությունն օգտագործելու համար հարկավոր է վնասակար հղում ստեղծել եւ ուղարկել այն զոհին: Նշվում է, որ խոցելիությունն այս պահին հեռացվել է: Microsoft-ի մասնագետները նախապես տեղեկացրել են TikTok մշակողներին հայտնաբերված խնդրի մասին,:
Ընկերությունը հեռացնում է բոլոր աշխատակիցներին
Ամերիկյան Dell համակարգչային ընկերությունը վերջնականապես լքում է Ռուսաստանը եւ կրճատում ռուսաստանցի բոլոր աշխատակիցներին: Ընդ որում ռուսական ներկայացուցչությունում աշխատում է մոտ 50 մարդ ։ Կրճատվում են վաճառքի բոլոր մասնագետները, նաեւ տեխնիկական եւ մարկետինգի բաժինների աշխատակիցները: Սակայն նշվում է, որ ընկերությունը կրճատած աշխատակիցներին կվճարի մինչեւ ութ աշխատավարձ : Աշխատանքից ազատվելուց հետո աշխատակիցներին անվճար կտրվեն նոթբուքներ եւ մոնիտորներ, կվճարվեն պարգեւավճարներ, իսկ կամավոր բժշկական ապահովագրությունն ընտանիքների համար կպահպանվի մինչեւ 2022-ի վեջը:
Zara-ն աշխատանքից ազատում է աշխատակիցներին
Իսպանական Inditex ընկերությանը պատկանող Zara խանութները զանգվածաբար կրճատում են աշխատակիցներին Ռուսաստանի Դաշնության տարածքում: Փոխարենը մենեջերներին արտասահմանում աշխատանք է առաջարկում: Մասնավորապես նրանց առաջարկում են տեղափոխվել Բելառուս և Արևմուտքում, հատկապես Ամստերդամ: Ընկերությունից հեռացող աշխատակիցներին հայտնել են, որ կվճարեն 5 ամսվա աշխատավարձ:
Highland Systems-ը մշակել է Բեթմենի ոճով զրահապատ սուզանավ
Վաճառքի է հանվել Բեթմենի ոճով զրահապատ սուզանավը՝ 1,3 միլիոն ֆունտ արժողությամբ: Կրոնոս սուզանավը կարող է տեղավորել տասը ուղեւորի եւ հարմար է կոմերցիոն, փրկարարական եւ մարտական՝ գործողությունների համար: Highland Systems-ը հայտնել է, որ հիբրիդային նավն ամբողջ աշխարհում ամբողջովին նոր հայեցակարգ է բերում սուզանավերի արտադրության մեջ: Ֆուտուրիստական հիդրոդինամիկ դիզայնն առանձնանում է տրանսպորտի համար ծալվող թեւերով, նաեւ ունի կորպուսի նոր դիզայն, որը զգալիորեն նվազեցնում է վառելիքի սպառումը, բարձրացնում առավելագույն արագությունն ու ապահովում գերազանցկայունություն:
Նավը ջրի վրա կարող է զարգացնել 80 կմ/ժ, իսկ դրա տակ՝ 50 կմ/ժ արագություն? Այն կարող է նաեւ սուզվել մինչեւ 250 մետր խորությամբ: Ընկերությունը հայտնում է, որ Կրոնոս-ը կարտադրվի ԱՄԷ-ում, սակայն ժամկետը դեռեւս չի նշվում:
Չինաստանը մշակել է 1088 ձիաուժ հզորությամբ էլեկտրական սուպերամենագնաց մեքենա
Չինաստանի Չենդու քաղաքի ավտոսրահում ներկայացվել է M-Terrain էլեկտրական սուպերամենագնաց մեքենան:Դրա արտադրությունը կսկսվի հաջորդ տարի, իսկ վաճառքի կհանվի Mengshi ապրանքանիշի ներքո: Բնութագրերը տպավորիչ են. մեքենան ունի 1088 ձիաուժ հզորությամբ չորս շարժիչ, երրորդ մակարդակի ինքնագնաց համակարգ եւ լիովին կառավարվող շասսի: Չենդուում Dongfeng կոնցեռնը ներկայացրել է միանգամից երկու էլեկտրական նախատիպ՝ հինգդռնանի 5,2 մետրանոց M-Terrain ամենագնացը եւ դրա կուպեի նմանակը M-Terrain S-ը: Տեխնոլոգիայի առումով երկու ամենագնաց մեքենաները նույնական են. հիմքը սքեյթբորդի պլատֆորմն է, չորս շարժիչով էլեկտրակայան, իսկ շասսին միասնական է:
Maxus-ը Չինաստանում ներկայացրել է քնելու տեղով մինիվեն
Չինական SAIC կոնցեռնը ներկայացրել է Maxus Mifa5 մինիվենը: 177 ձիաուժ հզորությամբ էլեկտրաշարժիչով հագեցած ավտոմեքենան մեկ լիցքավորմամբ կարողանում է անցնել մինչեւ 520 կմ: Հիմնական առանձնահատկությունը ինտերիերի վերափոխման լայն հնարավորություններն են: Մասնավորապես, մինիվենի նստատեղերը կարող են վերածվել քնելու տեղի, իսկ բեռնախցիկում կա ծալովի նստարան, որը կարելի է գործածել, օրինակ, ձկնորսության գնալիս Բացի այդ, ավտոմեքենան հագեցած է էկրանով, որի վրա կարելի է պրոյեկտորի միջոցով ֆիլմ դիտել:
Chery-ն ներկայացրել է 2022 մոդելային տարվա քրոսովերը
Չինական Chery ընկերությունը ներկայացրել է Tiggo 8 թարմացված քրոսովերը: Արտաքինից ավտոմեքենան առանձնապես չի փոխվել: Սրահում փոփոխություններն ավելի շատ են: Ավտմեքենան ստացել է կրկնակի էկրան ՝ 24.6 դյույմ անկյունագծով, նոր բազմաֆունկցիոնալ ղեկ: Չինաստանում ավտոմեքենան կարելի է պատվիրել Sony Luxury պրեմիում համակարգով՝ 8 բարձրախոսով, օդի իոնիզատորով եւ նոր, ավելի հարմարավետ նստատեղերով: Թարմացված Chery Tiggo 8 2022 մոդելային տարվա քրոսովերը հագեցած է երկու շարժիչով:
Kia Sportage-ի բազային տարբերակները դուրս են մնացել անվտանգության վարկանիշից
ԱՄՆ-ում նոր սերնդի Kia Sportage քրոսովերն ընդգրկվել է Top Safety Pick անվտանգության վարկանիշում միայն երկու ավելի հին կոմպլեկտավորումներով: Դրական գնահատական են ստացել միայն SX Prestige-ը եւ X-Pro Prestige-ը: Մնացած բոլոր տարբերակները վաճառվում են լուսադիոդային ռեֆլեկտորային լուսարձակներով, որոնք վատ գնահատական են ստացել՝ ոչ բավարար տեսանելիության պատճառով: Top Safety Pick վարկանիշում ընդգրկվելու համար ավտոմեքենան պետք է լավ տվյալներ ցույց տա վեց քրաշ թեստերում:
Volkswagen-ի թանգարանն առաջին անգամ ցուցադրել է մեքենա որն այդպես էլ վազքուղի դուրս չի եկել
Volkswagen Classic թանգարանային ստորաբաժանումն առաջին անգամ ցուցադրել է ութերորդ սերնդի Golf մրցարշավային տարբերակը: Մրցարշավային մեքենան Volkswagen Classic-ի պահուստներից ցուցադրել են Փենսիլվանիայի L’oe Show փառատոնում: Ութերորդ սերնդի մրցարշավային Golf-ը Հաննովերում ստեղծել է, Volkswagen Motorsport-ի ստորաբաժանումը: Այն պետք է փոխարիներ յոթերորդ սերնդի հաջողակ Գոլֆին: Սակայն մեքենայի արտադրությունն այդպես էլ չի սկսվել: Այդ մեքենայով փորձարկվել են ագրեգատներ մրցարշավի պայմաններում, ստուգել են շասիի կարգավորումները եւ մեքենայի էլեկտրոնիկան: Քանի որ մեքենան մասնակցել է մրցարշավային խճուղիներում իրականացված մրցարշավներին, թափքը ծածկել են քողարկող թաղանթով, կամուֆլյաժով:
Ֆիննական ընկերությունը կվաճառի է իր գործարանը Ռուսաստանում
Ֆիննական անվադողեր արտադրող Nokian Tires-ը վաճառքի է հանել Ռուսաստանի Լենինգրադի մարզում գտնվող իր գործարանը: Սա ընկերության առանցքային ակտիվն է՝ տարեկան 16 միլիոն անվադողի արտադրությամբ, որոնց 60%-ն արտահանվել է: Մինչև սեպտեմբերի սկիզբ Nokian-ը պարտավորեցնող առաջարկներ է հավաքում պոտենցիալ գնորդներից: 2021 թվականին Nokian մարդատար ավտոմեքենաների անվադողերի մոտ 80%-ն արտադրվել է Ռուսաստանում՝ Վսևոլոժսկի գործարանում:
Մեկնաբանություն