Փորձագետի կարծիք. Դոլարի արժեզրկման պատճառով Հայաստան ներկրվող մեքենաների գները կարող են փոխվել

Հայկական դրամի նկատմամբ դոլարի ցածր փոխարժեքի պահպանման դեպքում մենք կարող ենք տեսնել ներկրվող մեքենաների գների որոշակի նվազում, եթե արտադրությունում եւ լոգիստիկայում ոչինչ չփոխվի: Այս կարծիքն է հայտնել Հայաստանի ավտոարտադրողների պաշտոնական ներկայացուցիչնների ասոցիացիայի նախագահ Արտյոմ Պետրոսյանը:

Ըստ նրա միջազգային շուկաներում առկա միտումը ցույց է տալիս առաջնային շուկայում գների աճը, երկրոդային շուկայում գներն ավելի են բարձրացել: Մեքենաների արտադրության թանկացումը սկսվել է համաճարակից հետո: Ավտոմեքենաների արտադրությունը կրճատվել է մոտ 1,5-2 միլիոնով՝ 2019-2020 թվականների ցուցանիշների համեմատ: Դրան գումարվել են նաեւ Ռուսաստանի դեմ սանկցիաները: