Երևանում մեկնարկել է Construction Expo-ն, որը մի հարկի տակ է հավաքել ոլորտի խոշորագույն ընկերություններին ու մասնագետներին։
Մասնակիցների շարքում է վրացական Panex ընկերությունը՝ տարածաշրջանում առաջիններից, որն արտադրում է սենդվիչ-պանելներ՝ պոլիուրետանային միջնաշերտով։
Ընկերությունը ցուցահանդեսին մասնակցում է արդեն յոթերորդ տարին՝ ներկայացնելով իր նորարար լուծումները, վերջին սերնդի պատային և տանիքի սենդվիչ-պանելները։ Դրանք աչքի են ընկնում բարձր որակով, էներգախնայողությամբ և գեղագիտական տեսքով։
Դավիթ Ջամբուրիձե — Կորպորատիվ վաճառքների և արտահանման զարգացման մենեջեր. «Մեր պանելներն ունեն շատ ցածր ջերմահաղորդունակություն, ինչի շնորհիվ էականորեն նվազեցնում են սառեցման և ջեռուցման ծախսերը։ Սա հատկապես կարևոր է սառնարանների, սառցարանների, պահեստների և տեխնիկական տարածքների կառուցման ժամանակ։ Մենք օգտագործում ենք միայն բարձրորակ մետաղ և պոլիուրեթան, իսկ արտադրությունը զինված է ժամանակակից իտալական և կորեական սարքավորումներով։ Յուրաքանչյուր փուլ վերահսկվում է որակավորված մասնագետների կողմից: Այս ամենը զգալիորեն բարձրացնում է արտադրանքի որակը:»
Ընկերությունը վերջերս անցել է ISO 9001:2015 միջազգային հավաստագրումը՝ գերմանական TÜV Nord (Թյուֆ Նորդ) սերտիֆիկացնող մարմնի կողմից՝ Enterprise Georgia (Էնթերփրայզ Ջորջիա ) կազմակերպության աջակցությամբ։ Սերտիֆիկացումը հնարավոր է դարձել արտադրական գծի արդիականացման և եվրոպական որակի կառավարման ստանդարտների ներդրման շնորհիվ։ Այն նշան է արտադրանքի բարձր որակի և կառավարման հստակ համակարգի։
Ընկերությունը հավակնում է զարգանալ նաև միջազգային շուկայում՝ Հայաստանը համարելով տարածաշրջանային կարևոր հանգույց։ Երևանյան ցուցահանդեսը Panex-ի համար ոչ միայն արտադրանքի ներկայացման հարթակ է, այլև համագործակցությունների հաստատման ու մասնագիտական փորձի փոխանակման հնարավորություն։
Գիորգի Մեգրելիշվիլի — Կորպորատիվ վաճառքների և արտահանման զարգացման մենեջեր. «Մեզ համար նման միջազգային ցուցահանդեսներին մասնակցելը պարզապես գործնական միջոցառում չէ, այլ առիթ՝ հանդիպելու մեր կարևոր գործընկերներին։ Դա հատկապես վերաբերում է Հայաստանին՝ մեր հարևան երկրին, որի հետ կապված ենք ոչ միայն գործնական, այլև ջերմ մարդկային հարաբերություններով։ Հայաստանը մեր հարևանն է, վստահելի գործընկերը: Մեզ համար կարևոր է այստեղ լինելը, անձամբ շփվելը, փորձի փոխանակում իրականացնելը: Նման միջոցառումները օգնում են ավելի լավ հասկանալ շուկայի կարիքները և առաջ շարժվել։»
Panex-ի պանելները լայնորեն օգտագործվում են շինարարության մեջ՝ լոգիստիկ կենտրոնների, սննդի և գյուղատնտեսական օբյեկտների, վարչական շենքերի կառուցման համար։ Թբիլիսիից 20 կմ հեռավորության վրա գտնվող ժամանակակից գործարանը համալրված է իտալական ավտոմատացված արտադրական գծով, որը թույլ է տալիս տարեկան արտադրել մինչև 6 միլիոն քառակուսի մետր պանելներ։
2014 թվականին հիմնադրված Panex ընկերությունը այսօր արդեն համագործակցում է մի շարք աշխարհահռչակ բրենդների հետ, այդ թվում՝ Coca-Cola, Mercedes-Benz, Askaneli, Բրեդֆիլդ:
